Aqparat jáne kommýnıkaııalar mınıstri Dáýren Abaev elimizde 26 mıllıon qurylǵynyń tek 14 mıllıony IMEI-kodtaryn tirkegenine qaramastan, jańajyldyq túnde jurt baılanyssyz qalmaıtynyna sendirdi.
Bul týraly Májilistegi jıynǵa silteme jasap, Tengrinews.kz habarlady.
2019 jyly 1-qańtarda uıaly telefon qoldanýshysynyń mindetti túrde tirkelýi týraly zań kúshine enedi.
Úkimet saǵatynda Májilis depýtaty Mıhaıl Chırıkov osy merzimge deıin tirkelmegender baılanyssyz qalatyny týraly boljaǵan edi.
«Jarııalanǵan málimetke sáıkes, 26 mıllıon abonenttiń 14 mıllıony tirkelgen, bul jartysynan sál ǵana kóp. Birneshe mıllıon qazaqstandyq jańajyldyq túnde jáne odan keıingi kúnderde baılanyssyz qalady dep boljaýǵa bolady», — dedi depýtat mınıstrge.
Mınıstr qajetti jumystardyń júrgizilip jatqany týraly aıtty.
«Árıne, barlyǵy alańdap júr, alaıda tirkelmeıdi. Bizde 26 mıllıon qoldanýshy bar, al — 18 mıllıon, ıaǵnı bir adamda birneshe (3-4) telefon bar degen sóz. Qazirgi ýaqytta halyqtyń 70 paıyzy tirkeldi», — dep túsindirdi Abaev.
Onyń aıtýynsha, 2-3 paıyz múlde tirkelmeıdi eken.
«Meniń oıymsha, esh qıyndyq bolmaıdy. Jańa jylda adamdar baılanyssyz qalmaıdy», — dedi mınıstr.
"Qazaq úni" poraly
