Almatyda Qazaq memlekettık sirkı jaŋa jyl qarsaŋynda «Jaŋa jyldyq sudoku» atty jaŋa qoiylymyn ūsyndy. Qoiylymǧa deiın sirk ūjymy būqaralyq aqparat qūraldarymen baspasöz mäslihatyn ötkızıp, tılşılerdıŋ köptegen sūraqtaryna jauap berdı.
Jaŋa jyldyq şouda şeteldık ärtıster, älemge äigılı kloun, şeber üiretılgen januarlar öner körsetedı. Mysaly, halyqaralyq sirk önerı festivaldarynyŋ laureaty, bırneşe dürkın jüldegerı kloun Armen Asirians (İspaniia) pen Mäskeudegı Iý.Nikulin sirkınıŋ ärtısı, halyqaralyq sirk önerı festivaldarynyŋ laureaty, bırneşe dürkın jüldegerı, ekvilibrist-jongler Kristina Guk almatylyq jūrtşylyqtyŋ alǧysyna bölendı. Ertegı älemınıŋ jaŋa jyldyq şytyrman oqiǧalaryna toly qoiylymnyŋ keiıpkerlerı de san aluan. Aiaz Ata men Aqşaqar, bezendırılgen şyrşa, süikımdı qoiandar, meiırımdı aiular, aqyldy itter, siqyrly, taŋǧajaiyp körınıster, japon ertegısınıŋ keiıpkerlerı taǧy basqalar el-jūrttyŋ erekşe köŋılın köteredı.
Almaty qalasy Qazaq memlekettık sirkınıŋ direktory Baqyt Bökebaev:
– Bügıngı jaŋa bazarlyq japon taqyrybyna negızdelıp qoiylǧan. Japon elınıŋ tärtıbı, tälım-tärbiesı qazaq ūltyna ūqsas bolǧandyqtan, soǧan negızdep barlyq janrdy bırıktırıp, jaŋa qoiylymdy ūiymdastyrdyq. Soǧan orai, jaŋa kostiumder tıktırdık. Sahnada jan-januarlardan bölek, 65 adam öner körsetedı. Taqyryby «Jaŋa jyldyq sudoku» bolǧandyqtan, ertegı qaharmandaryna bükıl zal bolyp sudokudyŋ şeşımın tabuǧa kömektesetın bolady. Sonymen qatar qoiylymnyŋ būl jolǧy eŋ basty erekşelıgı – at üstınde jıgıtter jasaityn tiurktardy qyzdar bırınşı ret oryndaǧaly otyr.
Bız barlyq körermenderımızdı kele jatqan Jaŋa jylmen qūttyqtap, olardy qyzyqty qoiylymmen quantqymyz keldı. Jalpy, Qazaq Memlekettık sirkınde meiramdarda jaŋa qoiylymdardy jūrtşylyqtyŋ nazaryna ūsynu ädemı dästürge ainalǧan. Jaŋa jyldyq būl ertegı-qoiylymǧa balalar özderı qatysyp, oinap otyrady. Qiial-ǧajaiypqa toly qoiylym sonysymen balalarǧa qyzyq. Jaŋa jyldyq būl qoiylym büldırşınderdı bılımge baulyp, jaqsylyqqa jetelep, ömırde qiyndyqtar men kedergılerdı jeŋıp, biık maqsatqa qol jetkıze bılu kerektıgın üiretedı. Bızdıŋ basty maqsatymyz – köŋılı kırşıksız balalardy quantu.
Halyqaralyq sirk önerı festivaldarynyŋ laureaty, bırneşe dürkın jüldegerı kloun Armen Asirians (İspaniia):
– Almatyǧa osydan bıraz uaqyt būryn Qazaq Memlekettık sirkınıŋ 45 jyldyq mereitoiyna arnalǧan halyqaralyq baǧdarlamada öner körsetu üşın kelgen edım. Jaŋa jyldyq baǧdarlamadaǧy būl qoiylymdy daiyndauǧa 5 jylǧa juyq uaqyt qajet boldy. Negızı, sirk önerıne kelgen adam ömır boiy üzdıksız üirenu kerek. Uaqyt ötken saiyn zaman talaby joǧarylai beredı. Äsırese, qazırgı internet zamanynda körermendı taŋǧaldyru öte qiyn. Sebebı, sahnadaǧy qoiylymda sirk ärtısterı körermennıŋ köz aldynda öner körsetedı, onyŋ jasaityn triukterın montaj jasauǧa bolmaidy. Sondyqtan sirk ärtısterı körermennıŋ aldyna şyqqan sätke deiın ünemı şeberlıgın şyŋdaumen ainalysady.
Rasynda da balalarǧa saiqymazaqtyŋ önerı öte qyzyqty boldy. İspaniiadan kelgen älemge äigılı kloun Armen Asiriians öner körsete jürıp, körermendı de arenaǧa şyǧaryp türlı oiyndar oinatudy ūmytpady.
Japon ertegısı jelısıne qūrylǧan qoiylymda jauyz Emma öz nökerlerımen bırıgıp, jaŋa-jyldyq merekenı boldyrmau üşın sudokudy ūrlap äketuge äreket jasaidy. Sirk artisterı men januarlar, tıptı körermender bırıgıp siqyrly sandardy tauyp, sudokudy qūtqaruǧa baryn salady. Ärmen qarai Aiaz ata men Aqşaqar balalarǧa syilyq ülestırıp, zūlym küştermen küresıp jürıp jaŋa jyldyq şyrşany jaǧady.
Rasynda da balalarǧa saiqymazaqtyŋ önerı öte qyzyqty boldy. İspaniiadan kelgen älemge äigılı kloun Armen Asiriians öner körsete jürıp, körermendı de arenaǧa şyǧaryp türlı oiyndar oinatudy ūmytpady.
Japon ertegısı jelısıne qūrylǧan qoiylymda jauyz Emma öz nökerlerımen bırıgıp, jaŋa-jyldyq merekenı boldyrmau üşın sudokudy ūrlap äketuge äreket jasaidy. Sirk artisterı men januarlar, tıptı körermender bırıgıp siqyrly sandardy tauyp, sudokudy qūtqaruǧa baryn salady. Ärmen qarai Aiaz ata men Aqşaqar balalarǧa syilyq ülestırıp, zūlym küştermen küresıp jürıp jaŋa jyldyq şyrşany jaǧady.
A. SERIKŪLY
