Qazaqstanda nesiesı bar jäne ony bır jyl boiy tölemei jürgenderdıŋ qaryzy keşırıluı mümkın. Būl – jeke tūlǧanyŋ bankrottyǧy turaly zaŋ jobasynda körsetılgen mümkındık. Qūjat jaqynda deputattar talqysyna ūsynylady dep habarlaidy «Adyrna» tılşısı «Habar24»-ke sılteme jasap.
Telearnanyŋ mälımetınşe, problemalyq qaryzy bar qazaqstandyqtardyŋ 96 paiyzy – kepılsız nesie alǧandar. Demek, olardyŋ denı bankrottyq turaly zaŋnyŋ igılıgın köre alady. Qaryz joiyluy üşın ötelmegen soma 5 mln teŋgege deiın boluy kerek. Sondai-aq sottan tys bankrottyq räsımın tabysy künkörıs deŋgeiıne jetpeitın azamattar paidalana alady.
Qarjy vise-ministrı Erjan Bırjanov boryşkerdıŋ mülkı bolmauy kerektıgın eskerttı. Kırıs pen mülıktıŋ bar-joqtyǧy elektrondy ükımet portaly arqyly aiqyndalady. Mülıktıŋ esebın jürgızetın barlyq uäkılettı memlekettık organ derekter bazasyn bırıktıredı. Osydan keiın bankter esep aiyrysu şottary boiynşa aqşa qozǧalysyn jüzege asyrady. Sottan tys bankrottyqqa bank, mikro qarjy ūiymdary men kollektorlyq agenttıkter aldyndaǧy qaryzdar boiynşa qoldanyluy mümkın. Ötınış boiynşa şeşımdı jarty jyl kütuge tura keledı.
«Mysaly, kelesı jyly zaŋnama jūmys ıstedı delık. 2023 jyly bankrot bolyp tabylatyn bolsa, keiıngı proseduraǧa 7 jyl ötken soŋ jügınuge mümkındık bar. Bankrottyqtan keiın üş jyl ışınde qarjylyq jaǧdaiyna monitoring jürgızıledı. Mūndai täjıribe basqa Europa elderınde de bar. Sebebı ädeiı jasalǧan bankrottyq prosedurasyn tekseru üşın sondai täsıl qoldanylady», – dedı Qarjy vise-ministrı Erjan Bırjanov.
