Türıkmenstan bilıgı TÜRKSOI halyqaralyq ūiymynyŋ jobalaryna jan-jaqty qoldau körsetuge daiyn. Türkı mädenietı yntymaqtastyǧy ūiymynyŋ bas hatşysy Sūltan Raev Türıkmenstan prezidentı Serdar Berdımūhamedovpen kezdesıp, ekı aradaǧy bailanys jaiyn pysyqtady.
Bas hatşy Sūltan Raev «biylǧy jyl TÜRKSOI üşın mädeni serpılıs jyly boldy. Sebebı ūiymǧa Özbekstan tolyqqandy müşelıkke öttı» dedı. S.Raevtyŋ aituynşa būl özbek bilıgımen jüielı türde jürgızılgen jūmystardyŋ jemısı. Serdar Berdımūhamedov te türkı düniesınıŋ mädeni integrasiialyq prosesıne belsendı türde qatysuǧa daiyn ekenın jetkızdı.Aita ketu kerek, 2024 jyl Türıkmenstan üşın aituly jyl bolmaq. TÜRKSOI ūiymyna müşe memleketterdıŋ mädeniet ministrlerınıŋ şeşımımen 2024 jyl türkı älemınde ataqty filosof Mahtumkuli Fragi jyly bop jariialanyp, al Annau qalasy türkı düniesınıŋ mädeni astanasy atandy.
