...Bügın Qazaq memleketınıŋ tūŋǧyş sport baspasözı -- ekı tılde şyǧatyn "SPORT" gazetınıŋ bırınşı sanynyŋ jaryq körgenıne 60 jyl tolady! Būl -- şyndap kelgende memlekettık kölemde atap ötetın oqiǧa. Ökınışke qarai,būl oqiǧany Sport ministrlıgın bylai qoiǧanda gazet redaksiiasynyŋ özı jaq aşyp,jariialap,on adamnyŋ basyn qosyp,osyndai ūly oqiǧa bolyp edı-au deuge şamasy kelmedı! Sebebı - gazetter soŋǧy bes jyl kölemınde jany aşymastardyŋ qolyna tüsıp,bügınde qazaqşasy derbes şyǧudan da airylyp,basqa bır gazettpen budandastyrylyp,öz atynan airylyp,tarihi derekterdıŋ ızı joǧalyp,tūtas bır salaǧa qiianat bolyp jatqan jaǧdaiy bar! Gazetterdıŋ 50 jyldyǧy da atap ötılmedı! Mereitoi atap ötılmek tügılı gazetterdıŋ sol kezdegı qojalarynyŋ "SPORT" gazetterın qūlai süietındıkterınıŋ arqasy bolar, qazaq tılınde şyǧatyn gazetımızdıŋ jelkesı qiylyp,jaryqqa şyqpai qaldy! Sporttaǧy,älem chempionattary men Olimpiadalardaǧy Jeŋısterımızge Prezidenttıŋ özınen bastap bükıl halyq börkın aspanǧa atyp quanatynyn bıletın Bız däl osyndai JANYAŞYMASTYQQA
ne aitarymyzdy da,ne oilarymyzdy da bılmei basty salbyratyp qana otyrmyz... Sonau 1959 jyldyŋ 1 qaŋtarynan bastap būl gazette qanşama talantty qalamger,jankeştı jurnalist eŋbek ettı jäne sporttaǧy qanşama talanttardyŋ atyn şyǧaryp,chempiondardy elımen tabystyrdy?! Bügın qarap otyrsaŋ tarihta mūndai ǧajap oqiǧa bolmaǧan sekıldı! Tarihyn topyraqpen jasyrǧan eldıŋ erteŋgı erlıkterı jer betınde qalady degenge Senesız be osydan keiın? Men senbeimın! Qairan,Qazaqqa qajet emes "SPORT" gazetterı-ai,qor boldyŋ-au!!!
Nesıp Jünısbai
