Bozaryqta infraqūrylym jüielerı tartylyp jatyr

Qaratau audanyna qarasty «Bozaryq» şaǧyn audanynda bes qabatty tūrǧyn üidıŋ qūrylysy bıtıp, infraqūrylym jüielerın tartu jūmystary toqtausyz jürgızılude. Qala äkımı Mūrat Äitenov nysan basyna arnaiy baryp, būǧan deiın berılgen eskertpelerdıŋ tüzetılgenıne köz jetkızdı. Mūnda 1,4 şq elektr jelısı, 1,2 şq gaz, 1,3 şq auyz su qūbyrlary, 0,8 şq kärız jüiesı tartyluda. Qazırge deiın barlyq jūmystardyŋ 30% oryndaldy. Kelesı jyly auyz men kögıldır otyn tartu jūmysy tolyq aiaqtalady. Sonymen qatar 2020 jyly bastalǧan joldardyŋ qūrylysy 50%-ǧa salynyp, qalǧan jartysy kelesı jyly tolyǧymen bıtedı. Tekseru barysynda merdıger mekeme basşylaryna jūmystyŋ sapasy syn köteretındei bolsyn degendı qaitalap aitqan qala äkımı M.Äitenov jauapty basqarma basşylarynan şaharda salynyp jatqan ärbır nysannyŋ merzımınen keşıktırılmeuın de talap ettı.