Ziialy qauym ökılderı joldaudyŋ är baǧytyna ün qosty

Şymkent qalasynyŋ Äl-Farabi kıtaphanasynda ziialy qauym ökılderı Memleket basşysy Qasym-Jomart Toqaevtyŋ «Ädılettı memleket. Bırtūtas ūlt. Berekelı qoǧam» atty Joldauyn söz ettı. Jiynǧa qatysuşylar öz oiymen bölısıp, Joldauda aitylǧan är baǧytty keŋınen tarqatty. «Amanat» partiiasynyŋ Qaratau audany filialynyŋ atqaruşy hatşysy Äbdez Rahmanūlynyŋ aituynşa, būl jolǧy Joldauda halyqtyŋ äleumettık mäselesı men balalardyŋ bolaşaǧyn investisiialaudyŋ tyŋ ädısterı ūsynyldy. Sonymen bırge aldaǧy kezekten tys sailaudyŋ maŋyzdylyǧyna toqtaldy. – Mausym aiynda jalpyhalyqtyq referendumda zaŋǧa özgerıs engızu üşın dauys berdık. Köp ūzamai eŋ alǧaşqy özgerıs Prezident Joldauynda körınıs tapty. Memleket basşysy jer men onyŋ qoinauyndaǧy bailyq halyqqa tiesılı ekenın atap öttı. 2024 jyldan bastap Ūlttyq qordyŋ investisiialyq tüsımınıŋ 50 paiyzy balalardyŋ jeke şotyna audarylyp otyratyn boldy. Bolaşaqta osy qarjyny 18-ge tolǧan ärbır jas sapaly bılım men baspana aluǧa jūmsaidy. Būl örkenietke bet alǧan el üşın öte dūrys şeşım. Älemdık täjıribede 5 jyl jūmys ıstegen kompaniiaǧa el senımmen qaraidy eken. Al, memlekettık basqaruda Ūlttyq deŋgeidegı jobalardy jüzege asyruǧa 7 jyl qajet ekenın sarapşylar aituda. Elımızde Prezident tek 1 ret 7 jylǧa sailanuy da halyqtyŋ äl-auqatyn köterıp, ekonomikany damytuǧa jetkılıktı dep oilaimyn, - dedı Ä.Rahmanūly. Al, Äl-Farabi atyndaǧy kıtaphananyŋ direktory Anar Japparqūlova damudyŋ är salasyn büge-şegesıne deiın qamtyǧan salmaqty Joldau bolǧanyn jetkızdı. – Ädılettı memleket degende tek qūjat jüzınde oryndalatyn ıster bolatyn. Qazır künnen-künge oryn alyp jatqan özgerıster men jaǧymdy jaŋalyqtardyŋ kuäsı bolǧannan keiın şyn mänınde jaŋa memleket qalyptasyp jatqanyna öte quanyştymyz, - dedı ol. «Şymkent kelbetı» «Panorama Şymkenta» gazeterınıŋ bas redaktory Baqtiiar Taijan biyldyŋ özınde köptegen igı ıster ıske asyrylyp, halyqqa qolaily orta qalyptasqanyn aitty. –Älemde jer kölemı jaǧyna 9 orynda tūrǧan elımızde mal şaruaşylyǧy aqsap tūrǧany jasyryn emes. Ettı Braziliiadan importtaudyŋ özı osyǧan dälel. Biyl Prezidenttıŋ tapsyrmasyna säikes igerılmei jatqan auyl şaruaşylyǧy maqsatyndaǧy 2,9 million gektar jer memleket ielıgıne qaitaryldy. Osy jyldyŋ soŋyna deiın 5 mln. jerdı qaitaru josparlanyp otyr. Kelesı jyldyŋ soŋyna deiın Memleket basşysy taǧy 10 mln. gektar igerılmei nemese zaŋsyz berılgen jerdı memleketke qaitarudy tapsyrdy. Osy qaitarylǧan auyl şaruaşylyǧy jerlerı mal ösırıp otyrǧan şarualarǧa berılse, bızdıŋ elde et pen süt önımderınıŋ importy toqtar edı, - deidı B.Taijan. Al, jurnalist Zäure Oralbaeva aituynşa, ädılettı qoǧam qūru üşın eŋbek adamynyŋ ısterı elenuı kerek. – Prezident Q.Toqaev är sözınde ädılettı qoǧamda eŋbek adamy bırınşı kezekte ekenın aitady. Ärbır sala naǧyz bılıktı mamandardyŋ arqasynda damidy. Olai bolsa ädılettı memlekettı qūruda bırınşı kezekte eŋbek adamy baǧalanuy kerek. Är adam özınıŋ jūmysyna asa jauapkerşılıkpen qarasa kez kelgen sala jüielenedı, damidy. Sondyqtan eldıŋ damuy bır ǧana memleketke emes, ärbır azamatqa, iaǧni eŋbek adamyna bailanysty, - deidı Z.Oralbaeva. Aita keteiık, Şymkentte ziialy qauym ökılderınıŋ bas qosuymen türlı saladaǧy taqyryptar qamtylyp, ıs-şaralarǧa arqau boluda. Būl joly qalanyŋ ziialy qauymy Prezidenttıŋ Joldauyndaǧy ıske asuy tiıs baǧyttardy saralady.