Halyqtyŋ bırınşı kezektegı mäselesın şeşu - basty mındet

Şymkenttıŋ Abai audanynda 322 myŋnan astam halyq tūrady. Audandaǧy 34 eldımekennıŋ 33-ı auyz sumen qamtylǧan, bügıngı taŋda 1 eldımekende qūrylys jūmystary aiaqtaluǧa jaqyn. Jyl soŋyna deiın Abai audanynyŋ halqy 100% taza sumen qamtylady. Būl turaly audan äkımı Būharbai Parmanov şahar basşysynyŋ halyqpen kezektı esep beru jiynynda aitty. «Byltyr «Jaŋatalap», «Yntymaq-2», «Aqtas-2», «Nūrşuaq», «Jaŋa Tūrlan» eldımekenderıne auyz su kırgızdık. Jyl soŋyna deiın «Qūrsaidaǧy» qūrylys jūmystary aiaqtalyp, abonentteu jūmystary jürgızıledı»-dedı B.Parmanov. Audan äkımınıŋ bergen mälımetınşe, «Nūrşuaq», «Jaŋatalap», «Batys» tūrǧyn alaptaryn elektr jaryǧymen qamtu jūmystary bıtuge jaqyn. Jaŋa jylǧa deiın 4366 tūtynuşy sapaly elektr quatyna qol jetkızedı. Kögıldır otynmen barlyq eldımekennıŋ 24-ı qamtylǧan. Biyl 7 nysanda qūrylys qyrqyndy jürgızılude. Kelesı jyly taǧy 3-de gaz tartu jūmystary bastalady. Jalpy, Abai audany 2024 jyly tolyq gazben qamtylatyn bolady. «İnfraqūrylym qūrylysy är jylǧa kezeŋ-kezeŋımen josparlanǧan. Halyqtyŋ bırınşı kezektegı mäselesın şeşıp beru – bızdıŋ mındetımız. Qala basşysy M.Äitenovtıŋ tıkelei qoldauymen aldaǧy 2 jylda «Abai» audany boiynşa su, gaz, jaryq mäselesı tübegeilı şeşıledı. Sabyr saqtap, berılgen uädelerdıŋ oryndaluyn kütkenderıŋız üşın halyqqa alǧysymdy bıldıremın»-dedı audan äkımı. Al «Samal-3» pen «Soltüstık Batysqa» qazırgı uaqytta kärız jüiesı tartyluda, ol da aiaqtaluǧa jaqyn. Kelesı jyly «112 oramda» qūrylys bastalady. Söitıp būl mäsele 2025 jylǧa deiın 59%-ǧa şeşımın tabatyn bolady.