Şymkent qalalyq qoǧamdyq keŋestıŋ müşelerı «Su resurstary–Marketing» JŞS ūjymymen kezdestı. Jiyndaǧy kün tärtıbı Memleket basşysy Qasym-Jomart Toqaevtyŋ «Ädılettı memleket. Bırtūtas ūlt. Berekelı qoǧam» atty Joldauy boldy.
Jiyndy «Su resurstary–Marketing» JŞS bas direktory Anarbek Orman aşyp, alǧysözdı Şymkent qalalyq qoǧamdyq keŋestıŋ jäne qalalyq käsıpodaqtar bırlestıgınıŋ töraǧasy Bauyrjan Älteevke berdı. Bauyrjan Ilımşeūly Prezident Joldauynda köterılgen qoǧamdaǧy demokratiia, jaŋa ekonomikalyq saiasat, auyl şaruaşylyǧynyŋ jaŋa sektorlaryn damytu, zaŋnama jüiesın jaŋǧyrtu siiaqty özektı taqyryptarǧa toqtaldy.
– Būl Joldau Qazaqstan Respublikasynyŋ Konstitusiiasyna özgerıster men tolyqtyrular engızu boiynşa biylǧy 5 mausymda ötken respublikalyq referendumnyŋ jalǧasy ıspettı boldy. Ol saiasi oqiǧanyŋ aldynda öte auqymdy tüsındıru jūmystary jürgızılıp, Ata Zaŋǧa engızılgen özgerısterdıŋ nätijesınde jaŋa memlekettık basqaru modelıne, bilık pen qoǧamnyŋ özara bailanysynyŋ jaŋa formatyna auysy bastaldy. Memleket basşysynyŋ Joldauynda, sonymen qatar, zaŋ men tärtıp, basqaru jüiesın qaita qūru, sot jüiesınıŋ reformasy sekıldı taqyryptar köterıldı. Sebebı, eskı jüienıŋ merzımı öttı, qazırgı taŋdaǧy qoldanysqa sai emes. Sol üşın halyq arasynda ünemı aqparattyq-nasihat jūmysy jürgızıluı kerek. Köbısı Joǧary sottan keiın şaǧymdanatyn oryn joq dep sanaidy. Olai emes, bızdıŋ elımızde Konstitusiialyq sot bar, – dedı Bauyrjan Ilımşeūly.
Jiynda qoǧamdyq keŋestıŋ müşelerı Abdulla Ahmetov, İsmail Şalabaev, Erbol Jolbarysov jäne basqa da spikerler Joldauda köterılgen tek saiasi ǧana emes, ekonomikalyq mäselelerge, Prezident bergen tapsyrmalarǧa toqtalyp öttı. Olardyŋ aituynşa, bügınde memleketımız demokratiianyŋ daŋǧyl jolyna tüsıp, elımızde äleumettık salaǧa da basa nazar audaryluda.
Kezdesude jer qatynastary, salyq jüiesındegı jaŋaşyldyqtar da söz boldy. Bauyrjan Älteevtıŋ aituynşa, şaǧyn jäne orta bizneske salyq saluǧa differensiialy türde kelu kerek. Jaqsy jūmys ıstep, el ekonomikasyna üles qosyp jürgen, tabys tauyp, qyzmetkerlerıne jaqsy jalaqy töleitın käsıpkerlık nysandaryna jeŋıldık bergen dūrys dep sanaidy qoǧamdyq keŋes müşesı. Spiker tiımdı ärı zaŋ talabyn mültıksız oryndaityn käsıpkerlerge industrialdy aimaqtardaǧy jer uchaskelerınıŋ bır bölıgın jeke menşıkke de beruge bolady deidı.
– Memleketımızdıŋ basty qūndylyǧy – adam jäne onyŋ ömırı. Degenmen, ökınışke qarai, bügıngı taŋda densaulyq saqtau qyzmetı körsetılmeitın auyldar da bar. Aldaǧy 2-3 jylda bızge felşerlık-akuşerlık punktter qūryp, auyldaǧy aǧaiyn alysqa sandalmaityndai jaǧdai jasau kerek, – dedı Bauyrjan Älteev.
Jiynda elımızdegı eŋ tömengı jalaqy mölşerı de talqylandy. Aitqandai, onyŋ kölemı 2023 jyly 70 myŋ teŋge bolady. Jäne mūnymen toqtamaidy destı. Al Anarbek Orman şaǧyn jäne orta bizneske memleket tarapynan körsetıletın qoldau arta tüsse degen nietın jetkızdı.
– Būlai öte dūrys bolar edı. Mysaly, Anarbek Orman – öz jūmyskerlerınıŋ äleumettık qūqyqtaryn ünemı qorǧap jüretın jūmys beruşı. Ol basqaratyn jauapkerşılıgı şekteulı serıktestık qalalyq käsıpodaq bırlestıgınıŋ qūramyna enedı. Jäne bız qatarymyzda osyndai mekeme bar ekenın maqtan tūtamyz, – dedı Bauyrjan Älteev.
