Búgin Shymkent qalasynyń ákimi túrkııalyq «Coca-Cola İçecek» kompanııasynyń Almaty qalasyndaǵy dırektory Mýstafa Beltekınmen kezdesti.
Úshinshi megapolıs múmkinshilikterin atap ótken shahar basshysy kompanııa ókiline Shymkentten osy sýsyndardy óndiretin arnaıy óndiris ornyn ashý úshin barlyq jaǵdaıdyń bar ekendigin aıtyp, Shymkenttiń salalyq múmkinshilikterine toqtaldy.
Qala basshysy óz sózinde bıylǵy jyly aýdany 306 gektardy quraıtyn «Juldyz» jańa úshinshi ındýstrııalyq aımaǵynyń qurylǵanyn, qazirgi tańda ınjenerlik jelilerdi tartý jumystary júrgizilip, qurylys jumystarynyń taıaýda aıaqtalatynyn alǵa tartty. Investorlarǵa uzaq merzimge jalǵa beriletin tegin jer telimderi, daıyn ınfraqurylymdar men kommýnaldyq qyzmetterge tarıfter tómendetilgenin de jetkizdi.
«Búgingi kezdesý eki jaqty yntymaqtastyqqa septigin tıgizip qana qoımaı, Shymkenttegi jańa ınvestıııalyq jobany júzege asyrýdyń alǵy sharty bolatynyna senimim mol»,-dedi ol.
«Coca-Cola İçecek» kompanııasynyń ókili ákimdik tarapynan arnaıy jer telimi jáne ınfraqurylymmen qamtylý jaǵynan qoldaý bolsa, ınvestıııa quıýǵa ázir ekendikterin jetkizdi.
