"Ońbaǵandar": Almazbek Atambaev sot otyrysyna qatysýdan bas tartty

2771
Adyrna.kz Telegram
Foto: 24.kg
Foto: 24.kg

Qyrǵyzstannyń eks-mınıstri Almazbek Atambaev 2 jeltoqsanda birneshe qylmystyq is boıynsha jaýap berý úshin Bishkektegi aýdandyq sotqa jetkizildi. Bul týraly AKIpress basylymy jarııalady, dep habarlaıdy “Adyrna” ulttyq portaly. 

Atambaevty túrmeden sot otyrysyna memlekettik aıyptaýshy Ernest Asakeevtiń aıyptalýshyny kúshtep alyp kelý týraly ótinishinen keıin jetkizgen. 

Sot zalynda eks-prezıdent barlyǵymen amandasyp, memlekettik aıyptalýshynyń áreketin zańsyz dep atady. 

"Myna ońbaǵan zańsyz buıryqtardy oryndap jatyr. Isti Sokeniń kezinde (Sooronbaı Jeenbekov) qozǵaǵan jáne myna ońbaǵan prokýrorlar bul bassyzdyqty jalǵastyrýda", - dedi Atambaev. 

Aıtýynsha,  densaýlyq jaǵdaıyna baılanysty sot otyrysyna kele almaıdy. Qazir onyń omyrtqasy aýyrady eken. Degenmen eks-prezıdentti kúshtep alyp kelipti. Sot zalyna sýdıa Áziret Mederov kirgende aıyptalýshy "Ońbaǵandar" dep aıqaılap, otyrysqa qatysýdan bas tartty. Atambaev kamera qabyrǵasyn tepkilegen, al qatysýshylar "Masqara" dep aıqaılaǵan. Keıin aıyptalýshyny sot zalynan alyp ketti. 

Pikirler