Jastardyŋ jūmyssyzdyq, jalqaulyq siiaqty keleŋsız äreketterı aqsaqaldarǧa kerı äserın tigızıp otyr. Būl turaly pıkırdı Qazaq taǧamtanu akademiiasynyŋ prezidentı, ǧalym Töregeldı Şarmanov Facebook paraqşasyna jariialady, dep habarlaidy “Adyrna” ūlttyq portaly.
“Qazırgı qazaq auyldarynda aǧaiyn arasyndaǧy ymyragerşılıktı saqtap, jūrtyn airandai ūiytyp otyrǧan aqsaqaldar bar, ärine. Bıraq ömırde mūqtajdyq, jetıspeuşılık basym bolyp tūr. Otbasynda jastardyŋ jūmyssyzdyq, jalqaulyq siiaqty keleŋsız äreketterı aqsaqaldarǧa kerı äserın tigızıp otyr. Sonyŋ saldarynan auyldyq jerlerdegı eresekterdıŋ aqsaqaldyqqa mūrşasy kelmei tūr. Ülkenge sälem berıp, olardan aqyl sūrap, aitqanyn tyŋdaǧannan jastar ūtylmaidy.
Student kezımızde auylǧa barǧanda aqsaqaldarǧa arnaiy sälem berıp, äŋgımelerın tyŋdaudyŋ özı bır keremet edı. Atalarymyz jol nūsqap tūratyn. Osy ürdıs qazır joiylyp barady. Jalpy qoǧamda aqsaqaldyqtyŋ körınısı azaiyp kettı. Erterekte bır qart ananyŋ lauazymdy qyzmette jürgen balasy jūmysqa keterde anasymen qoştasyp, üige kırgende mındettı türde sälemdesedı eken. Bır künı qyzmette qiyndyqtar tusa kerek, dūrys amandaspai qalǧan balasyna anasy nalyp: «Būl jalǧanda balaŋ özıŋdı mensınbei ketkennen artyq qasıret joq eken» deptı. Kündelıktı küikı tırlıktıŋ qamymen jürgen adamdardyŋ ata-anasyna köŋıl böluge öresı jetpeidı. Būǧan qosa sözın tyŋdata alatyn ülkender de az”,- dep jazdy ol.
Ūqsas jaŋalyqtar
