«Kodeks otbasy müşelerın äleumettık qoldauǧa baǧyttalyp otyr. Sifrlyq kartany qanatqaqty joba retınde ıske asyru barysynda köpbalaly otbasylardyŋ äleumettık qaterlerge tap bolu yqtimaly joǧary ekenın kördık. Osy oraida Äleumettık kodeksı jobasynda balaly otbasylardy äleumettık qoldaudyŋ qoldnastaǧy bırtūtas jüiesın tolyq saqtau jäne onyŋ negızgı parametrlerın özgertu qarastyryldy. Naqtylai keteiın, bügıngı balaly otbasylardy qoldau jüiesı halyqaralyq standarǧa säikes jüktılık jäne bosanu, bala tuu, bala kütımıne bailanysty tölemderdı, köpbalaly analar jäne mügedıktıgı bar balaly otbasylarǧa qarasty tölemderdı jäne tabysy az otbasylarǧa berıletın atauly äleumettık kömekterdı qamtidy», - dedı T. Düisenova.
Onyŋ atuynşa, Kodeks jobasyna engızıletın jaŋa parametrler otbasylarǧa berıletın memlekettık qoldaudy keŋeitedı.
«Memleket Basşysynyŋ tapsyrmasy boiynşa 18 jasqa deiıngı balalarǧa berıletın Ūlttyq qordyŋ investisiialyq kırısınen tüsken tabystyŋ 50 paiyzy kölemındegı bastapqy kapital qosymşa kömek közı bolmaq. Bala kütımıne bailanysty tölemder merzımı ūzartylatyn bolady. Köpbalaly analarǧa berıletın järlemaqy mölşerı ösedı jäne olar «Altyn alqa» jäne «Kümıs alqamen» nagradttalǧan analar degen jaŋa statuspen qarastyrylatyn bolady. Taǧy bır maŋyzdy parametr – 2025 jyldan bastap atauly äleumettık kömek taǧaiyndau üşın kedeilık şegı bügıngı künkörıs deŋgeiınen emes, mediandyq tabys esebınen anyqtalatyn bolady. Būl rette Ekonomikalyq yntymaqtastyq jäne damu ūiymy elderınıŋ täjıribesı zerdelendı. Atap aitqanda, 8-den astam el osy körsetkıştı paidalanady jäne ony otbasy äl-auqatynyŋ naqty därejesın körsetetın ölşem retınde belgılegen. Bügınde AQŞ-taǧy kedeilık şegı medianalyq kırıstıŋ 40 paiyzyn qūraidy, al Kanadada – 50 paiyz, Şvesiia, Norvegiia, Daniia, Avstriia, Germaniia jäne Fransiiada 60 paiyz. Bız de osy täjıribenı engızgelı otyrmyz», - dedı ministr.
“Adyrna” ūlttyq portaly
