Qazirgi ýaqytta Shymkent qalasynda 78 turaqty qalalyq marshrýt qyzmet kórsetedi, kúndelikti marshrýttarǵa 876 avtobýs shyǵady (jalpy avtobýstardyń sany rezervpen qosa 1000 avtobýsty quraıdy). Jeke menshik nysanyndaǵy 10 kompanııa jolaýshylardy tasymaldaý qyzmetin kórsetýde.
Ózderińizge málim, 2021 jyly Shymkent qalasyndaǵy qoǵamdyq kólikterde onlaın rejıminde qoǵamdyq kólik qozǵalysy týraly halyqtyń habardarlyǵyn arttyrýǵa múmkindik beretin "I-Kolik" mobıldi qosymshasy iske qosylǵan. Qazirgi tańda, mobıldik qosymshany paıdalanýshylar sany 200 myńǵa jýyq. Aıta keteıik, I-kolik mobıldi qosymshasymen 100 paıyz qoǵamdyq kólik qamtylǵan.
Sonymen qatar, jyljymaly quramdy jańartý maqsatynda, 2020 jyly gaz metanmen júretin 590 jańa avtobýs satyp alyndy. Qazirgi ýaqytta barlyq avtobýstar qalalyq turaqty marshrýttarǵa tartylyp, kúndelikti turǵyndardy tasymaldaýda. Atalǵan avtobýstardy gaz otynymen qamtamasyz etý úshin 2 gaz stanııasy qyzmet kórsetýde, al úshinshi stanııanyń salý úshin jer ýchaske bólindi, ınvestor anyqtalyp, qurylystyń bastalýyna daıyndyq qyzý júrip jatyr.
Sondaı-aq, elektrondyq TOLEM kartasynyń 310 myńǵa jýyǵy satylyp, kúndelikti tranzakııa 300 myńdy qurap otyr.
