Byltyrǧy jyly bükıl Qazaqstandy emes, sport älemın qara jamyldyrǧan Denis Tennıŋ ısı boiynşa sot otyrysy jalǧasuda.
Basty sot otyrysy Almaty qalasynyŋ qylmystyq ıster jönındegı mamandandyrylǧan audanaralyq sotynda ötıp jatyr. Denistıŋ anasy Oksana Ten mūnyŋ jai kölık ainasyn ūrlau ekenıne senbeitının aitty.
"Bırınşı sekundtan-aq mūnyŋ jai kölık ainasyn ūrlau ekenıne senbedım. Olai oilauyma tek ana jüregı emes, ışkı tüisık te sebep bolǧan joq... ıspen tanystym. Tergeu mūqiiat jürgızıldı, qylmyskerler tez arada tabyldy. Osyǧan atsalysqandarǧa raqmet aitamyn. Denis üşın materialdyq qūndylyqtar artyq emes. Būl nūsqamen eş kelıspeitın sebebım men Denistıŋ qalai äreket etetının bılemın", - deidı anasy.
"Menıŋ oiymşa, būl tapsyryspen jasalyp otyr. Oǧan köptegen derek dälel. Denistıŋ ol künı jūmysy köp boldy, 19 şıldede de qoly bos bolǧan joq. Bızde barlyǧy jazylyp tūrady. 23 şıldede Astanaǧa ülken ıs-şaraǧa ūşyp ketuı tiıs bolatyn", - dedı Oksana Ten.
Aiyptaluşy Janar Tolybaevanyŋ qorǧauşysy būl aiyppen kelıspeidı. Sot mäjılısınen keiın jurnalisterge tüsınıkteme bergen advokat Amangeldı Sariev «Būl qylmysqa eşkımnıŋ, üşınşı, törtınşı adamdardyŋ qatysy baryna dälel joq. Mūnda adamdy öltıru qūramy joq. Kördıŋızder ǧoi, telefondary, aqşasy, aifony, kölıktıŋ ainasy bärı qalǧan. Qaraqşylyq jasaǧysy kelse, sumkany bosatyp alyp ketpei me», - dep jauap berdı.
Aita keteiık, osy ıs boiynşa sot aldyna Arman Qūdaibergenov, Nūraly Qiiasov pen Janar Tolybaeva keldı.
Arman Qūdaibergenov QR Qylmystyq kodeksınıŋ 188-babynyŋ 2-bölıgı 2-tarmaǧy ("Ūrlyq") boiynşa, 192-baptyŋ 2-bölıgı 1,4-tarmaqtary ("Qaraqşylyq") boiynşa, 99-baptyŋ 2-bölıgı 7,8-tarmaqtary ("Adam öltiru") boiynşa aiyptalyp jatyr.
Nūraly Qiiasov QR Qylmystyq kodeksınıŋ 192-babynyŋ 2-bölıgı 1, 4 -tarmaqtary ("Ūrlyq") boiynşa, 99-baptyŋ 2-bölıgı 7,8-tarmaqtary ("Adam öltiru") boiynşa aiyptalyp jatyr.
Janar Tolybaeva QR Qylmystyq kodeksınıŋ 188-babynyŋ 2-bölıgı 1-tarmaǧy ("Ūrlyq") boiynşa jäne 434-bap boiynşa ("Qylmys turaly habarlamau") aiyptalyp jatyr. Qylmystyq ıs 38 tomnan tūrady.
Eske salaiyq, biyl 19 şıldede Almatyda belgısız bıreuler Denis Tendı pyşaqtap ketken bolatyn. Oqiǧa şamamen 15.00-de Qūrmanǧazy men Baiseiıtova köşelerınıŋ qiylysynda bolǧan. Keiın qalalyq IID ökılderı Denis Tenge avtoūrylar şabuyl jasaǧanyn mälımdedı. Resmi mälımdemede , sportşy ūrylardyŋ üstınen tüsken. Ūrylardyŋ artynan quǧan Deniske küdıktıler pyşaq jūmsap, sportşy, köp qan joǧaltqan. Ol auruhanada köz jūmdy.
"Adyrna" ūlttyq portaly
