Ózbekstan memleketi energııa resýrstaryn únemdeı bastady. Eldi energııamen qamtamasyzdandyrýda qıyndyqtar týyp, shetke suıytylǵan gazdy eksporttaýǵa tyıym salyndy, dep habarlaıdy "Adyrna" ulttyq portaly.
Ózbekstanda 2023 jyldyń birinshi naýryzyna deıin memlekettik organ kólikteri tolyqtaı benzınge kóshedi. Bul eldegi suıytylǵan gazdyń azaıýymen tikeleı baılanysty. Sheshim prezıdent ákishiliginiń jıynynda qabyldandy, dep habarlady Kun.uz.
Ózbekstan bıligi tómendegideı birqatar qararlarǵa qol qoıdy. Olar:
- barlyq óndirýshiler men saýdagerlerge suıytylǵan gazdy eksporttaýǵa tyıym salynady;
- halyqty tabıǵı gazben qamtamasyz etý múmkin bolmaǵan jaǵdaılarda suıytylǵan gaz jetkiziledi;
- Sý resýrstary mınıstrligi júıesindegi sorǵy stanııalaryna elektr energııasyn berýdegi ýaqytsha shekteýlerdi jyl sońyna deıin uzartý;
- benzınniń, sondaı-aq benzın men dızel otynyn óndirýge arnalǵan shıkizattyń ımportyn arttyrý;
- AI-80 markaly benzınniń bırjadaǵy saýdasyna deldaldyq kompanııalardyń aralasýyna jol bermeý;
- AI-80 markaly benzınniń ımportyna akızdi jáne ony bólshek saýdada ótkizýge akızdi esepteý jáne alý eki aı merzimge toqtatyldy;
- bırjada satylatyn AI-80 markaly benzınniń táýliktik kólemi ulǵaıtylady.
Naqty aıtqanda, 2023 jyldyń 1 naýryzyna deıin suıytylǵan gazben júretin jáne memlekettik organdarǵa tıesili kólikter benzınge kóshpek.
"Adyrna" ulttyq portaly
