"Balany ömırge äkelu bar da, oǧan meiırım körsetıp, dūrys tärbie beru bar" - Aida Balaeva

- Äielder ısterı jäne otbasylyq-demografiialyq saiasat jönındegı ūlttyq komissiianyŋ bügıngı otyrysy – balalardyŋ qarausyz jäne panasyz qaluyn boldyrmau taqyrybyna arnaldy. Balany ömırge äkelu bar da, oǧan qajettı qamqorlyq pen meiırım körsetıp, dūrys tärbie beru bar. Ökınışke orai, tiıstı baqylausyz qalǧan balalar men jasöspırımderge qatysty mäsele jyldan jylǧa özektı bolyp keledı. Biyldyŋ özınde dūrys qadaǧalaudyŋ joqtyǧynan türlı qūqyq būzuşylyqqa barǧan 73 myŋnan astam balanyŋ ata-anasy jauapkerşılıkke tartylyp, beimezgıl tüngı uaqytta balalarǧa esık aşqan 1,5 myŋǧa juyq oiyn-sauyq oryndaryna aiyppūl salynǧan. Ärine,  bırınşı kezekte, otbasynda ata-ananyŋ jauapkerşılıgınıŋ myqty bolǧany qajet. Dese de, memleket tarapynan da būl mäsele ünemı nazarda bolady. Osy oraida, tiıstı jauapty organdarǧa toqsan saiyn reidtık tekserudı küşeitıp, monitoring jasaudy, qajet bolsa ärbır otbasy boiynşa jeke jospar äzırlep, būl mäselemen kürestıŋ jaŋa täsılderın äzırleu boiynşa bırqatar tapsyrma berdım. Būl sūraq bızdıŋ Ūlttyq komissiianyŋ keler jylǧy jūmys josparynda da ünemı nazarda bolady. Onyŋ nätijesın aldaǧy uaqytta keŋınen aitatyn bolamyz, - dedı Aida Balaeva.