Mádenıet jáne aqparat mınıstri Aıda Balaeva Qýandyq Bıshimbaevtyń isine qatysty pikir bildirdi, dep habarlaıdy «Adyrna» tilshisi.
Ol Tengrinews.kz-ke bergen suhbatynda Qazaqstandaǵy medıa naryqtyń «tyıym salynbaǵannyń bárine ruqsat» qaǵıdasy boıynsha jumys isteıtinin aıtty.
«Elimizde enzýraǵa tyıym salynady, al medıa oıynshylar kóbine «tyıym salynbaǵannyń bárine ruqsat etiledi» qaǵıdaty boıynsha jumys isteıdi. Jaqynda jýrnalıstik etıkaǵa arnalǵan dóńgelek ústel ótkizdik jáne sol jerde jýrnalıstiń etıkasy óz-ózin qadaǵalaý sheginde bolýy kerek degen qorytyndyǵa keldik. Kórip otyrǵanymyzdaı, ózin-ózi qadaǵalaý degen nárse kóbine jumys istemeıdi. Biz mehanızmderdi túsinemiz jáne Bıshimbaev isinde búgin bolyp jatqan medıa naýqannyń qalpyn kórip otyrmyz. Ókinishke qaraı, teris múddeni basshylyqqa ala otyryp, barlyq qabyldanǵan jalpyadamzattyq norma men qaǵıdaǵa qaıshy, ótirik ári qoǵamdyq sanany manıpýlıaııalaýmen aınalysatyn adamdar qoǵamnan shettetiledi. Óıtkeni qoǵam aqymaq emes»,—dedi mınıstr.
Aıta keteıik, Burynǵy Ulttyq ekonomıka mınıstri Qýandyq Bıshimbaevqa eki bap boıynsha aıyp taǵylyp otyr:
- Qazaqstan Respýblıkasy Qylmystyq kodeksiniń 99-baby, 2-bóligi, 5-tarmaǵy – "Asa qatygezdikpen jasalǵan adam óltirý, zańsyz qasaqana bóten adamnyń ólimine ákep soǵý";
- Qazaqstan Respýblıkasy Qylmystyq kodeksiniń 110-baby, 2-bóligi, 1-tarmaǵy – "Kinálige materıaldyq jaǵynan táýeldi adamǵa jasalǵan júıeli túrde uryp-soǵý nemese ózge de kúsh qoldaný áreketteri arqyly dene jáne psıhıkalyq zardap keltirý".
