Älemnıŋ eŋ üzdık futbolşysy kım? Būl sūraqköpke ūnamauy mümkın. Sebebı, sūraq töŋıregınde kelıspeuşılık köp. Bırı – Ronaldu, ekınşısı – Azar, endıgısı – Koutino der. Bärı ärtürlı sanat boiynşa üzdık. Sol kategoriialardy bır oiynşydan ızdeseŋız, jauaby – Messi. Argentinada Rosario atty qala bar. Sol qalada kışkentai Leo armanyn ala doppen bailanystyrǧan. San Luis köşesımen dop teuıp kele jatyp, keiın öz atynda köşe bolaryn sezdı me eken? Martin Migel de Giumes eskertkışın körgende, özıne bır emes, üş eskertkış qoiylaryn oilady ma eken? Kım bılsın? Bıraq onyŋ bır oiy belgılı. Ol futbolmen mäŋgı bırge bolǧysy keldı. Äjesı janyna ertken bala bügın bırtürlı qobaljuly. Tündegı jai maza berer emes. Tüsı me, öŋı me belgısız, oǧan bır kısı keldı. Qolynda doby bar. Ortaşa boily, aqqūba kelgen, saqaly bar. Kigen kiımıne qaraǧanda, futbolşy sekıldı. Qolyndaǧy dopty ūstatyp jatyp, «qandai qiyndyq kezdesse de, armanyŋnan bas tartpa» dedı. Leoǧa qarap tūryp, jyly şyraimen jymidy. Endı tıl qatamyn degenşe, beine joq bolyp kettı. Kışkentai Andres ūzaq oilanyp jatyp, ūiqyǧa kettı. Taŋerteŋ äjesı kündegı ädetımen nemeresın oiatty. Taŋǧy asyn ışkızıp, Leony kezektı jattyǧuǧa aparmaq. Süt ışıp otyrǧan nemeresıne bügın medisinalyq tekserısten ötu kerek ekenın tüsındırıp jatyr. Leony kiındırıp, kerek-jaraǧyn alyp, sport qalaşyǧyna bet aldy. Jol boiy Leo keşegı ǧajaiyptyŋ jūmbaǧyn şeşumen dal boldy. «Nege futbolşy aǧa maǧan keldı? Aitqan sözı qandai äserlı. Sport formasyn aitsaŋşy. Maǧan bergen doby da özgeşe sekıldı. Rosarioda ondai dop joq» degen san sūraq balanyŋ mazasyn qaşyrdy. Äjesıne aitqysy-aq keledı. Aitaiyn dese, onsyz da jasy kelgen qartty mazalaǧysy kelmeidı. Bar tırlıgın tastap, osy balanyŋ qamymen jür. Seliia äje nemeresınıŋ özgeden erek ekenın jaqsy tüsınedı. Kışkentaiynan älsız, jiı auyrady. Sondyqtan balanyŋ bolaşaǧyna alaŋdaidy. Alaŋdaidy da, janynan bır elı aiyrylmaidy. Är närsenı oilap, qalaşyqqa qalai jetkenın bılmei de qalypty. Äjesı mūny bırden tekserıs jürıp jatqan jerge äkeldı. Mariolar baiaǧyda kelgen eken, Sanchestı därıgerler tekserıp jatypty. Äjesımen bırge kezekke tūrdy. Baqsa, tekserıs būrynǧyǧa ūqsamaidy. Mūnyŋ aldynda bır top bala qan taldamasy men fliurografiiadan ötken. Sonyŋ nätijesın habarlap, oǧan qosa taǧy bırneşe tekseruden ötedı eken. Köp kütpei Leonyŋ kezegı keldı. Medbike äjesı ekeuın bas därıgerdıŋ kabinetıne apardy. Därıger jyly amandasyp, män-jaidy tüsındırıp jatyr. – Seliia hanym, taldama nätijelerı köŋıl quantpaidy. Leonyŋ ösu garmony toqtaǧan. Kerektı em-dom şaralaryn jasamasaq, bala ary qarai öspei qalady. Öspese, futbol oinaudy da doǧaru kerek. Leo onsyz da kışkentai, jalǧastyra berse, süiekke zaqym keledı. Äjesınıŋ janaryna jas tolyp kettı. Nemeresıne üzdıge qarap tūryp, därıgerden baǧasyna qaramai emdeu kursynan ötetının aitty. Därıger aǧai äjesıne bırdeŋelerdı tüsındırıp jatyr. Ol endıgı sözderdı estımedı. Leonyŋ qiial älemınıŋ kül parşasy şyqty. Osydan 10 minut būryn oiynda «älemnıŋ üzdık oiynşysy bolam» degen maqsat bar-dy. Aq-kök jeidede Maradona siiaqty argentinalyqtardyŋ armanyn oryndaǧysy keletın. Endı qaitpek? Oiyna tündegı jait tüstı. «Tūra tūr, futbolşy aǧa bärın bılgen eken ǧoi. Menıŋ qaitkende de, armanymnan bas tartpauym kerek. Sonda men de däl sol aǧai sekıldı bolamyn» dedı ışınen. Endıgıde özın qamşylamaqqa bekındı. Eşteŋege qaramastan, jattyǧulardy jıbermei, bärınen şiraq qimyldauǧa tyrysady. Özı üşın janyn salyp jürgen äjesınıŋ, ata-anasynyŋ ümıtın aqtaǧysy keledı. Messige künde ösu garmonyn küşeitetın därı beredı, ine salady. Basynda ineden auyrsynatyn, qazır üirenısıp qaldy. Jattyǧudyŋ bırın jıbermeitın boldy. Äjesı oiatpai-aq, özı ertemen tūrady. Bır jyldyŋ ışınde Leoda kädımgıdei özgerıs bar. Dene-tūrqy ösken, oiyn jüiesı de özgergen. Äkesı jattyqtyratyn «Grandolidan» «Niuells Old Boizǧa» auysqan. Äkesı bolǧanmen, klubta qatal bapker. Balasyna artyǧymen jattyǧu jasatady. Sonyŋ arqasynda bolar, Leo oiynǧa töselıp aldy. Şabuylda nebır soiqandy bastaidy. Niuells janküierlerı onyŋ alaŋdaǧy siqyryna üirenıp alǧan. Oiyn saiyn qoldau bıldıruge keledı. Seliia äjesı de nemeresınıŋ bır oiynynan qalmaidy. Bırde äkesı Leonyŋ kezektı oiynyn taspaǧa tüsırgen. Onyŋ ne qajetı baryn bala tüsınbedı. Horhe mūny jaidan-jai ıstemedı. Ūlynda erekşe talanttyŋ baryn bıledı. Bıraq densaulyǧyndaǧy kınäraty men qolynyŋ qysqalyǧy qynjyltady. Osy köktemde «River Pleit» Leony satyp alǧysy kelgen. Alaida qajettı em-dom şaralaryna aqşalary jetpeitının aitty. Messi janūiasy kündelıktı salynatyn ine men därumenderge aqşany äzer tauyp jür. Äkesınıŋ endıgı ümıtı – oiyn beinelengen taspada. Dostary taspany «Barselonaǧa» jıberuge keŋes bergen. Horhe ataqty La-Masiia turaly jiı estitın. Jas talanttardyŋ baǧyn aşatyn futbol akademiiasy ekenınen habary bar. Bügın sol klubtan jauap kelu qajet. Keşke qarai jattyǧudy aiaqtap, zattaryn jinastyruǧa kabinetıne keldı. Kelse, üstel üstınde konvert jatyr. Jazuyn oqyp, közı şarasynan şyǧyp ketken. Däl özı kütken hat. Aqyry kelıptı. Ümıtın üze bastap edı, kelgenı osyndai jaqsy bolar ma? Aşyp kördı, ışınde ekı bilet pen habarlama tūr. «Barselona» Leony bazasyna şaqyrypty. 17 mausymda Kataloniia astanasynda bolularyn ötınıptı. Keşkı asta jaŋalyqty estıgen Leonyŋ köŋılı alabūrtty. Asyn ışpesten, dobyn alyp dalaǧa şyǧyp kettı. Teuıp kele jatyp, dostaryn, köşesın, mektebın oilady. Olardy qalai qaldyryp ketpek? Antonelany şe? Lukaspen bırge «River Pleitta» oinaimyz deuşı edı ǧoi. Dosy mūny satqynǧa balasa qaitpek? Köşenıŋ basyna jete bere, artqa būryldy. Qarasa, eşkım joq, qas qaraiyp ketıptı. Közımen aspandy bır şaldy. Biıkte bır jūldyz erekşe jarqyraidy. Qaita qaraǧysy keldı. Ūzaq qarap tūrdy. Bırde jūldyz ışınen älgı dop bergen aǧaidy körgendei boldy. Öz oiynan şoşynǧan sekıldı. Artynşa, mūnyŋ bır belgı ekenın tüsındı. Ne bolsa da, täuekel destı. Bıraq tanymaityn qalaǧa qalai barmaq? Barselonany Rosariodaǧydai baǧyndyra alar ma eken? La Masiia jyly şyrai tanyta ma? Sansyz saualdardyŋ jauabyn ızdegenşe, Barselonaǧa attanatyn kün tudy. Ertemen tūryp, Rosarionyŋ taŋǧy auasymen tynystaǧysy keldı. «El Che Gevaradan» bastap, Rosarionyŋ ortalyq stadionyna deiın aralap şyqty. Qimastyq bar. Santa-Femen bailanysty balalyq bar. Rosariodan Buenos Aireske jüretın avtobus keldı. Avtobusqa otyrarda, öne boiy jansyz qalǧandai küi keştı. Äjesı ülken ömırge qadam basqanyn, endı erkelıkke oryn joǧyn eskerttı. Dostary, ata-anasy, tuystary şyǧaryp salyp jatyr. Lukas pen Antonella da bar. Antoǧa üzık-üzık qarap qoiady. Būl Kataloniiaǧa ketkende, bırı qaǧyp kete me dep qorqady. Artynşa, aǧasy Lukas qarap jürer dep özın sabyrǧa şaqyrady. Santa-Fe jaqqa oilana qaraidy. Bala Lioneldı Rosario köşelerınıŋ bırınde qaldyrǧanyn ūǧynady. Kelesı kelgenınde, bärı basqaşa bolatynyn sezedı. Avtobus Rosariony artqa tastap, La Emiliiaǧa jaqyndady. Endı şegınerge jol joq. Alda armanymen astasqan Barselona kütedı.
Aizat Aidarqyzy
https://aikyn.kz/2018/11/03/72262.html?fbclid=IwAR1uAUe87tIiNfw7k_dIBnWQY0WmgkNGuwdJuhN0N9MS4Pu0Gs1SIz3YYEM
