Jazýshy, ardager qalamger Janar Ábdishova Almaty qalasy mańyndaǵy áleýmettik jaǵdaıdan sóz etip, kópshilikke qarata saýal tastady. Zeınetker óz sózinde Almatynyń túbinde otyryp, jaryqsyz, sýsyz, jylýsyz qalǵanyn aıtady. Mundaı keleńsizdikterdiń jıilep ketkendigine shaǵym bildiredi. Muny "Adyrna" ulttyq portaly habarlady.
- Qystyń myna sýyǵynda jaryq óshti. Endi sý da, jylý da joq. Sebebi úıdi jylytatyn pesh te, jerdiń astynan shyǵatyn sý da elektr qýatyna baılanysty. Sý qatyp qalsa, qurydyq... Zeınetaqynyń azdyǵy óz aldyna, osyndaı máseleler de qınap bara jatyr. Ne isteý kerek?Almaty, Alataý aýdany. Boraldaı yqsham aýdany... - dep jazdy Janar Ábdishova.
Cońǵy ýaqyttarda Qazaq eli azamattary turmys-tirshilik máselelerin qozǵap, kóńili tolmaıtyn tustardy ashyq aıta bastady. Kúni keshe áleýmettik jelide aıtysker aqyn Rınat Zaıtovtyń joǵarǵy bılik ókilderine tastaǵan úndeýi jaryq kórgen edi. Úndeýde halyqtyń tapqan nápaqasy shaı-puldyń ózine jetpeıpindigi sóz bolady.
"Adyrna" ulttyq portaly
