Almaty oblysyndaǵy "QazAgroQarjy" fılıalynyń burynǵy top-menedjeri Erjan Ustaev kóliginde óz-ózine qol jumsady. Bul týraly “Vremıa” basylymy jazdy, dep habarlaıdy ”Adyrna” ulttyq portaly.
Basylymnyń jazýynsha, onyń sýııd jasaýyna qyzmetinen ketken soń týyndaǵan qarjylyq qıyndyqtar sebep bolýy múmkin.
“Taldyqorǵan qalasyndaǵy "Kóktem" shaǵyn aýdanynda ótip bara jatqandar saǵat 12:30-da Erjan Ustaevtyń jansyz denesin taýyp alǵan. Almaty oblysyndaǵy "QazAgroQarjy" fılıalynyń burynǵy top-menedjeri bolǵan azamat aldyn ala boljamdarǵa sáıkes óziniń Toyota Hail Lux kóliginde tapanshamen ózin atyp óltirgen”,- dep jazylǵan.
Marqumdy "QazAgroQarjy" júıesinen jumystan shyǵarylǵannan keıin bastalǵan qarjylyq qıyndyqtarǵa tótep bere almady degen de boljamdar bar.
Qazirgi ýaqytta sýııdke qatysty sotqa deıingi tergeý bastaldy.
Aıta keteıik, Ustaev 4 qyrkúıekte 47 jasqa tolǵan.
