Qarjy monitoringı agenttıgı «Bolashak Construction Company KZ» JŞS basşysyna qatysty alaiaqtyq faktısı boiynşa tergep-tekserudı aiaqtady.
Tergeu derekterıne sai, küdıktı 2022-2024 jyldary «Semia» tūrǧyn üi keşenınıŋ ülestık qūrylysyna qatysu syltauymen jeke tūlǧalardan qarajat tartudy ūiymdastyrǧan. Alaida tiıstı rūqsat qūjattary bolmaǧan.
Azamattarmen päterler men kommersiialyq nysandardy aldyn ala satyp alu-satu şarttary jasalǧan. Jobanyŋ zaŋdy körınısın qalyptastyru üşın äleumettık jelılerde jarnama jürgızılıp, Qostanai qalasynda keŋse jalǧa alynǧan.
«Zaŋsyz äreketterdıŋ nätijesınde «Semia» tūrǧyn üi keşenınıŋ üşınşı kezegınıŋ qūrylysyna 28 jeke jäne 1 zaŋdy tūlǧadan jalpy somasy 162 mln teŋgeden astam qarajat tartylǧan. Alaida küdıktı būl qarajatty nysandy belgılengen merzımde aiaqtamai, öz qalauy boiynşa ıstegen», – delıngen aqparatta.
Qazır tūrǧyn üi keşenınıŋ üşınşı kezegınıŋ qūrylysy aiaqtalmaǧan. Sot sanksiiasymen küdıktınıŋ mülkıne, onyŋ ışınde Hyundai Santa Fe avtokölıgıne, üş bölmelı päterıne jäne jertöle kommersiialyq üi-jailaryna tyiym salyndy.
Oǧan qatysty üiqamaq türındegı būltartpau şarasy taŋdaldy.
Qylmystyq ıs sotqa joldandy.
