Bügın Qostanaida «Auyl şaruaşylyǧy – myqty ekonomikanyŋ negızı» taqyrybynda Qazaqstan men Reseidıŋ XIX öŋıraralyq yntymaqtastyq forumy öttı. Forumǧa Qazaqstan Prezidentı Qasym-Jomart Toqaev pen Resei prezidentı Vladimir Putin beinebailanys rejimınde qatysty.
Sondai-aq, öŋıraralyq alaŋda biznes, salalyq memlekettık organ, vedomstvolar, ǧylymi top ökılderı, ekı el öŋırlerınıŋ basşylary jinalady.
Forum Qazaqstan-Resei Iskerlık keŋesınıŋ otyrysynan bastalyp, qatysuşylar şekaralas öŋırlerdıŋ auyl şaruaşylyǧy salasyndaǧy yntymaqtastyǧynyŋ özektı mäselelerın, sonyŋ ışınde auyl şaruaşylyǧy tehnikasyn jasau, AÖK-degı kölık infraqūrylymyn damytu men auyl şaruaşylyǧy jobalaryn tehnikalyq süiemeldeu mäselelerın qozǧady. Būl jönınde “Adyrna” ūlttyq portalyna Qazaqstan Respublikasy Parlamentı Mäjılısınıŋ Qarjy jäne biudjet komitetınıŋ müşesı Äbıl Erkın Amanjolūly aityp berdı.
“Öŋıraralyq forum bügın taŋerteŋ jūmysyn bastady. Osy forum barysynda bırneşe jeke ıs-şaralar öttı, jalpy otyz şaqty Resei men Qazaqstan öŋırlerınıŋ ökılderı qatysty.
Būl ötkızılıp jatqan eŋ alǧaşqy forum emes, 2019 jyly ötken bolatyn. Jalpy, Qostanai üşın öŋırlermen qarym-qatynas, ekonomikalyq, mädeni, gumanitarlyq qarym-qatynas öte maŋyzdy. Sondyqtan qazır öŋırler damuyna köp nazar audaryp jatyrmyz. Salyq kodeksın, biudjet kodeksın özgertıp, salyqtardyŋ köp bölıgın öŋırlerde qaldyryp, äkımşılık reformany ötkızıp, jergılıktı bilıktı küşeitıp, äkımderdı sailap jatyrmyz. Bolaşaq üşın bızge myqty ekonomikalyq damyǧan öŋırler kerek. Sondyqtan körşı eldermen qarym-qatynas tek qana ūlttyq deŋgeide emes, sonymen bırge öŋırlık deŋgeide damuy kerek. Osyndai öŋıraralyq forum tıkelei Resei men Qazaqstan şekaralas öŋırlerınıŋ damuyna,qarym-qatynas jasauǧa tıkelei mümkındık beredı”, dedı Erkın Amanjolūly.
Sondai-aq, ol Qazaqstannyŋ auyl şaruaşylyǧy reseilık bäsekelesterdıŋ saldarynan tömendep qalǧanyn aitty. Aituynşa, osyndai forum arqyly auyl
“Adyrna” ūlttyq portaly
