Erekşe bastalyp, ūlttyq ürdıs alǧan osy oqiǧa mynandai jaittardy körsettı.
Bırınşı, bilık aiaq asty oqiǧalarǧa daiyn emes.
Ekınşı, täuelsız jurnalistika tügılı, ūlttyq baǧyttaǧy BAQ joq. Kerısınşe, ūltqa qarsy söileitın bauyry suyq blogerler bar ekenı tanyldy.
Üşınşı, Assambleia qauqarsyz, qajetsız qūrylym.
Törtınşı, bilık ışınde ūlt sözın söileitın EŞKIM joq.
Būnyŋ bärı dausyz aksioma. Endı būl oqiǧa neden bastau aluy mümkın, nege būlai boldy desek... Qaraǧandy älde bır toqyrauǧa, estandy täjırbiege ūşyraǧandai. Yŋǧaisyz jaǧdaida bastalǧan IIM Akademiiasyndaǧy "mälımdeme" IIM ışındegı klan soǧysynyŋ körınısı sekıldı. "Ejelgı Rūmdaǧy" janjal sonyŋ basqaşa jalǧasyndai. Eskı Keŋes kezınde, bügıngı Qazaqstanda ŪQK men IIM arasyndaǧy teke-tıres bızge mälım, būnyŋ aiaǧy Andropovtıŋ bilıkke keluımen bıtken. Tura osyndai jaittarmen Putin de prezidentke ainaldy.
Al bızdıŋ ŪQK basşysy ekı märte ökımettı basqarǧany bärımızge belgılı. Nemese būl Niǧamatullinnen qalǧan "qazynalardy" bölısu. Küdıktıler arasynda "oǧlylardyŋ" boluy odan keiın joǧalyp ketuı, qyryq bır qūmalaqty bıreulerdıŋ asyǧa aralastyryp jatqanyn körsettı. Nemese syrtqy küşter- qazaq dalasyn äzırbaijan men ärmen arasyndaǧy maidan arenasyna ainaldyrmaq! Onda Euraziialyq odaq qazaq bilıgınıŋ qolyn ary bailai tüsedı. Älde bır küşter-ärmen men saqşylardyŋ söilesken audiojazbalaryn tögıp, qūiuda. Osy arqyly qūqyq qorǧau organdarynyŋ qylmysyn aşyp, restoran egelerın de körsetude.Būndai mälımetter jai şaşylmaidy, qarapaiym el bılmes tender mäselelerı de aitylyp qaldy. Bıraq qazaq atalmyş synaqtan adaspai öttı! Bızge temırdei tärtıp kerek, jönge salu kerek degen bailauly blogşıler şyǧary anyq. Būdan ärı aiyldy tartar bolsa attan qūlaidy būl jüie.
Qaraǧandy- jolaiyryqta tūrǧanymyzdy körsettı. Jaulardyŋ jar astynda emes, janyŋda jatqanyn aitty-Qaraǧandy. Bozdaǧyŋnyŋ bauyzdalyp, qar üstınde qarausyz qalatynyn da eskerttı-Qaraǧandy. Qaharly qystan da suyq er qairaty, el qairaty bar ekenın paş ettı-Qaraǧandy...
Serık Elıkbai
"Adyrna" ūlttyq portaly
