Ústel tennısinen ótken álem chempıonatynda qazaq balasy tutas álem nazaryn ózine aýdardy. Ol Týnıste ótken dodada dara shaýyp, juptyq synda altyn, jekeleı synda el qorjynyna qola medal saldy. Bul jaıdy "Adyrna" ulttyq portaly habarlaıdy.
Sport jańalyqtarynyń jarshysyna aınalǵan jýrnalıst Rýslan Medelbek qazaq balasy Alan Qurmanǵalıevtiń jetistigin súıinshilep, kópshilikti qýanyshqa bóledi. Erekshe oqıǵa jaıly:
- Ústel tennısinen Týnıste ótip jatqan jasóspirimder arasyndaǵy álem chempıonatynda qazaq balasy Alan Qurmanǵalıev 15 jasqa deıingi sportshylar arasynda juptyq synda (egıpettik Hana Gobamen) altyn, jekeleı synda qola medal jeńip aldy. Qytaı, káris, japondar myqty keletin sportta qazaq balasynyń medal alýy - tarıhı jeńis. Alan degen esimdi este saqtańyz, 2028 jylǵy olımpıadany shýlatar degen úmitimiz bar, - dep jazdy jýrnalıst.
Alan qazir on jeti jasta. Jas sańlaq jyl boıyna turaqty nátıje kórsetip, 19 halyqaralyq týrnırdiń medalin jeke qorjynyna salyp úlgerdi. Jas batyr ústel tennısi boıynsha Qazaq elinen shyqqan tuńǵysh álem chempıony. Alannyń olımpıada chempıony atanaryna da qoldaýshylary naq senimdi.
"Bul tarıh! Bizdiń jas Alan Qurmanǵalıev álem chempıony atandy. Bizdiń úlken ústel tennısi otbasymyz bul nátıjege óte qýanyshty jáne ony sportshynyń qajyrly eńbegi men óz isine degen súıispenshiliginiń nátıjesi retinde baǵalaıdy!",- dedi ústel tennısi Federaııasynyń prezıdenti Danııar Ábilǵazın.
Jeńisti kún, ajarly saǵat, juldyzdy sátterde jolyqqansha, Alan!
"Adyrna" ulttyq portaly
