Qaraǧandydaǧy töbeleske küdıktılerdıŋ bırı, halyqaralyq ızdeu jariialanǧan Narek Gururian ūstaldy. Būl turaly "Azattyq" radiosy habarlaidy. Işkı ıster ministrınıŋ ökılı Sadubaevtyŋ aituynşa, "Armeniia azamaty Narek Gururian Reseidıŋ Omby oblysynyŋ aumaǧynda ūstalǧan. Qazır ony Qazaqstanǧa äkelu jūmystary ūiymdastyrylyp jatyr".
Işkı ıster ministrlıgınıŋ habarlauynşa, Gururian 1 qaŋtar tüngı 10-da Qazaqstannan Reseige ötıp ketken.
Jaŋa jyl tünı Qaraǧandydaǧy meiramhanalardyŋ bırınde bolǧan töbeles saldarynan bır adam qaza tauyp, tört adam jaralanǧan. Būl oqiǧaǧa qatysy bar degen küdıkpen segız adam ūstalǧan. Taǧy bır küdıktı Narek Gururianǧa halyqaralyq ızdeu jariialanǧan. 6 qaŋtarda Qaraǧandyda jüzdegen adam "qylmyskerdı" tabudy talap etken. Qaraǧandy oblysy äkımı Erlan Qoşanov ızdeu jūmystary jürıp jatqanyn aitqan.
7 qaŋtarda internette Narek Gururian esımdı adam videoündeu jariialap, "töbeleskender arasynda bolǧanyn, bıraq kısı öltırmegenın" aitqan.
8 qaŋtarda Astanada ötken brifingte Işkı ıster ministrınıŋ bırınşı orynbasary Janat Süleimenov janjaldyŋ ūltaralyq sipaty baryn joqqa şyǧarǧan.
"Janjal tūrmystyq sipatta örbıgen. Bır tarapta bır ǧana ūlttyŋ, ekınşı tarapta özge bır ūlttyŋ ǧana ökılderı töbelestı degen jaǧdai bolǧan joq. Bız tergeu kezınde būl turaly aitqan joqpyz, sebebı barlyǧyn anyqtap alǧymyz keldı. Tergeu älı jürgızılıp jatqandyqtan, egjei-tegjeilı aqparat bere almaimyz" dedı Süleimenov.
9 qaŋtarda Qazaqstan ışkı ıster ministrı Qalmūhanbet Qasymov pen Armeniianyŋ Qazaqstandaǧy elşısı Gagik Galachian kezdesken.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz