Bırqatar jurnalistık zertteulerdıŋ avtory, "Dau-damaisyz" baǧdarlamasynyŋ jürgızuşısı Jazira Begaly halyqty alaiaqtyqtyŋ jaŋa türınen saqtandyrdy. Soŋǧy kezderı jalǧan eneler "qyzym, senı kelın qylyp alamyn" dep tūrmys qūrmaǧan qyzdardyŋ basyn şyr ainaldyryp, olarǧa bankten nesie aldyrtyp alatyn bolǧan. Avtor mūndai oqiǧalardyŋ soŋǧy kezderı jiılep ketkenın jazdy. Būl jaily "Adyrna" ūlttyq portaly habarlaidy.
Jurnalist alaiaq ''enelerdıŋ'' äreketın tömendegıdei baiandaidy.
- Soŋǧy kezderı kezegıŋdı jyljytyp, üi alyp beremın, biznes aşu, grant alu, jūmysqa ornalasuǧa kömek beremın, şeteldık Tölegender jıbergen syilyqty alu üşın de aldanǧan jūrttan şaǧym jiılep kettı. Jylaǧanda etegı jasqa tolǧan halyqty san soqtyrǧan suaittarǧa polisiia nege ıs qozǧamaidy? Alaiaqtardyŋ būl äreketın toqtatu üşın halyqtyŋ qarjylyq, qūqyqtyq sauatyn jetıldıru kerek. On jyl būryn bankter osyndai bastama kötergen. Özderıne tiımsız boldy ma, sol joba qūmǧa sıŋgen sudai boldy, - dep avtor üi boludy jeleu etıp, tūrmysqa şyǧuǧa yqylasty jandardy san soqtyrǧan alaiaqtardyŋ äreketınen habar berdı.
Mūndai oqiǧany şynaiy ömırden alǧa tartyp, el estımegen jaŋalyqpen bölıstı:
Endı tūrǧyndardy alaiaqtardan saqtandyru üşın ne ısteu kerek? Alaiaqtardyŋ ailasy sanaluan. Olar jasaǧan ısın qylmys dep oilamaidy. Köp jaǧdaida aldanǧan jandar şaǧym, aryzdy polisiia qaramaidy deidı... Endı qyzdardy kelın qylamyn dep bankten nesie qaryz aldyrudy käsıpke ainaldyrǧan alaiaq eneler paida bolypty. Abailaŋyzdar.. Men Taraz qalasynyŋ tūrǧynymyn. Onlain arqyly tanysyp, söilesıp jürgen jıgıtım Almatyǧa şaqyrdy. Ol türmeden hat jazypty. Maǧan onyŋ şeşesı 2 500 000 teŋge bankten nesie aldyrdy. Kelın qylamyn dep sendırdı. Jıgıttıŋ anasy aqşany alǧan soŋ üiınen quyp jıberdı. Ötınemın, maǧan kömektesıŋızderşı. Türmedegı qylmyskerge ǧaşyq bolyp, onyŋ şeşesıne qomaqty qarjyny nesiege alyp beruge mahabbat mäjbür ettı deidı.. Sız senesız be? Älı enesı atanbaǧan böten äielge aqşany bergende qolhat ta almaǧan... Endı jylap otyr, - dedı jurnalist.
Oqyrmandar sezım jetegınde san soǧyp qalǧan keiıpkerdıŋ taǧdyryna alaŋdauly. Olar:
"Qarjylyq jäne qūqyqtyq sauattylyq boiynşa qandai jūmystar jürgızse de artyq emes. Ükımet oǧan qarjy bölgennen ūtylmas edı. Tek maqsatty jūmsalmai, ol qarjy da talan-taraj bop jatyr ǧoi", "Osylai aldanǧandar köbeiıp kettı. Alaiaqtarǧa qarsy bilık qatal zaŋ daiyndau kerek" dep jazyp jatyr.
"Adyrna" ūlttyq portaly
Ūqsas jaŋalyqtar
