Qazaqstannyŋ aqparat jäne kommunikasiialar ministrı Däuren Abaev "Habar" telearnasyndaǧy "Otkrytyi dialog" baǧdarlamasyndaǧy sūhbatta Qaraǧandydaǧy oqiǧa turaly öz pıkırın bıldırdı.
Baǧdarlamada aqparat ministrıne "Nelıkten bilık ūzaq uaqyttan berı ündemei otyr, nege IIM-nıŋ baspasöz jiyny bır aptadan keiın bıraq ötkızıldı jäne resmi aqparattyŋ şūǧyl berılmeuı qaŋqu sözderge toly vakuumnyŋ paida boluyna sebepşı bolady dep oilamaisyz ba?" degen saual qoiyldy. Däuren Abaev: "Menıŋ oiymşa, būl qaiǧyly jaǧdai bızge sabaq bolady, onyŋ arasynda qoǧammen bailanysty ūiymdastyru mäselesı de bar. Rezonans jaǧdailar kezınde azamattardyŋ sol oqiǧaǧa qatysty aqparat aluǧa qūqyly ekenın bız jaqsy tüsınemız. Alaida, bız mynany tüsınuımız kerek, oqiǧanyŋ män-jaiyn, küdıktılerdı jäne basqa da aqparattardy anyqtau üşın belgılı bır uaqyt kerek. Däl osy jaǧdaida oqiǧaǧa qatysqandardyŋ sany ondaǧan boldy, olardyŋ barlyǧy türlı qalada jasyrynyp jatty. Basty küdıktılerdıŋ bırı tıptı, el şekarasynan asyp kettı, polisiia barlyq oblys boiynşa tergeu amaldaryn jürgızdı, sonymen qatar, Reseilık ärıptesterımen bırlesıp jūmys ıstedı jäne älı de ıstep jatyr. Jaŋalyqtardan bıletınderıŋızdei, qaşqyn ūstaldy, demek bızdıŋ polisiia barlyq şūǧyl şaralardy barynşa tiımdı atqardy. Ärine, aqparattandyru keşıktırıldı. Keibır derekter tergeu müddesıne bailanysty jariialanǧan joq, bıraq eŋ bastysy būdan nätije eş bülıngen joq" dep jauap berdı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz