Qazaqtyŋ töl atajūrtynda tapjylmai meken etıp, almaǧaiyp zamanda şekara syrtynda qalyp qalǧan qandastarymyzdyŋ bır toby elge oraldy. Jat eldıŋ qūramynda qalǧan qazaq atajūrtynan oralǧan aǧaiyndar közıne jas alyp, tuǧan-tuys, öz qazaǧymen qauyşyp jatyr. Şyǧys Türkıstan, Ürımjı, topyraǧynan jetken qazaqtardyŋ elge keluın "Adyrna" ūlttyq portaly süiınşıleidı.
Quanyşty jaŋalyqty Qazaq elınıŋ soltüstıgın qazaqqa toltyru maqsatynda tabandy eŋbek etıp jürgen Burahan Dahanov jetkızdı.
Al süiınşı aǧaiyn, Künşyǧystan köş qozǧaldy. Keşelerı, Qytaidan, Ürımjı qalasynan elım- jerım dep bırşama qandas, aǧaiynymyz elge jetken eken.. Elım menıŋdı aityp, quanyp otyrǧandaryn qaraŋyzdarşy.. Elge el qosylsa qūt deidı, qūtty bolsyn aǧaiyn. Atamekenge qoş keldıŋızder. Ösıp — önıp örkendep ketulerıŋızdı tıleimın... - dedı jazba avtory.
Sonymen qatar, Burahan Dahanov köktem şyǧysymen elge oralatyn qandastardyŋ legı artatynyn habarlady. Päkıstan topyraǧynda qalǧan 300-den astam qazaqtyŋ qiyn jaǧdaiynan söz ettı.
Būiyrsa, jer qaraiǧan uaqyttan bastap körşıles jatqan Moŋǧoliia, Qytai, Özbekstan, Türkımenstan, İran jäne Reseiden keletın qandastar legı köbeieiın dep tūr. Ümıtsız şaitan demekşı, soonau Päkıstannan Atamekenge jete almai jatqan 300-den astam qandasymyz jäne bar. Osyǧan orai, köşı qonǧa resmi jauap beretın İlias İspanov myrzaǧa, Otandastar qorynyŋ töraǧasy Abzal Saparbekuly myrzaǧa.. Prezidentımız Qasym- Jomart Toqaevtıŋ köşı qondy retteu, qandastardy jaiǧastyru, auyldardy köteru degen tapsyrmasyna orai, sızderden: Şet elden keletın qandastarymyzdy kvalifikasiiasyna, potensialyna qarai elımızdıŋ tükpır — tükpırıne baǧyttap otyratyn negızgı ortalyqtyŋ jūmysyn jandadyrudy, Şet elden kelem dep, habarlasyp, elşılıktermen bailanysqa şyǧyp jatqan qandastarymyzdy bırden Soltüstık Qazaqstanǧa köşulerıne ügıt nasihat jürgızudı,(ügıt nasihat barysynda bardy bar, joqty joq dep aitylsyn), nemese, myŋ estıgennen bır körgen jaqsy degendei, otaǧalaryn jinap Terıskeidı bır aralatu syndy ıs äreketter ūiymdastyrudy jäne elge kelıp, Soltüstık öŋırlerge köşuge niet etken azamattarǧa arnaiy jeŋıldıkter men subsidiialar paketın daiyndaudy, Şet elden kelgen qandastardyŋ azamattyq alu tetıkterın jeŋıldetu, aidalaǧa sabyltpai qūjat mäselelerın osy Soltüstıkte aq şeşu tetıkterın qarastyrudy jäne Oblys basşylyǧymen bırlese otyryp —köşıp kelgen qandastardy top— topqa bölıp, tym bolmasa 7-8 otbasymen bır auylǧa şoǧyrlandyru mümkındıkterın oilastyrularyŋyzdy sūraimyn. Terıskei bızge amanat, - dedı avtor.
"Adyrna" ūlttyq portaly
Ūqsas jaŋalyqtar
