Qazaqtyń tól atajurtynda tapjylmaı meken etip, almaǵaıyp zamanda shekara syrtynda qalyp qalǵan qandastarymyzdyń bir toby elge oraldy. Jat eldiń quramynda qalǵan qazaq atajurtynan oralǵan aǵaıyndar kózine jas alyp, týǵan-týys, óz qazaǵymen qaýyshyp jatyr. Shyǵys Túrkistan, Úrimji, topyraǵynan jetken qazaqtardyń elge kelýin "Adyrna" ulttyq portaly súıinshileıdi.
Qýanyshty jańalyqty Qazaq eliniń soltústigin qazaqqa toltyrý maqsatynda tabandy eńbek etip júrgen Býrahan Dahanov jetkizdi.
Al súıinshi aǵaıyn, Kúnshyǵystan kósh qozǵaldy. Kesheleri, Qytaıdan, Úrimji qalasynan elim- jerim dep birshama qandas, aǵaıynymyz elge jetken eken.. Elim menińdi aıtyp, qýanyp otyrǵandaryn qarańyzdarshy.. Elge el qosylsa qut deıdi, qutty bolsyn aǵaıyn. Atamekenge qosh keldińizder. Ósip — ónip órkendep ketýlerińizdi tileımin... - dedi jazba avtory.
Sonymen qatar, Býrahan Dahanov kóktem shyǵysymen elge oralatyn qandastardyń legi artatynyn habarlady. Pákistan topyraǵynda qalǵan 300-den astam qazaqtyń qıyn jaǵdaıynan sóz etti.
Buıyrsa, jer qaraıǵan ýaqyttan bastap kórshiles jatqan Mońǵolııa, Qytaı, Ózbekstan, Túrkimenstan, Iran jáne Reseıden keletin qandastar legi kóbeıeıin dep tur. Úmitsiz shaıtan demekshi, soonaý Pákistannan Atamekenge jete almaı jatqan 300-den astam qandasymyz jáne bar. Osyǵan oraı, kóshi qonǵa resmı jaýap beretin Ilıas Ispanov myrzaǵa, Otandastar qorynyń tóraǵasy Abzal Saparbekuly myrzaǵa.. Prezıdentimiz Qasym- Jomart Toqaevtiń kóshi qondy retteý, qandastardy jaıǵastyrý, aýyldardy kóterý degen tapsyrmasyna oraı, sizderden: Shet elden keletin qandastarymyzdy kvalıfıkaııasyna, potenıalyna qaraı elimizdiń túkpir — túkpirine baǵyttap otyratyn negizgi ortalyqtyń jumysyn jandadyrýdy, Shet elden kelem dep, habarlasyp, elshiliktermen baılanysqa shyǵyp jatqan qandastarymyzdy birden Soltústik Qazaqstanǵa kóshýlerine úgit nasıhat júrgizýdi,(úgit nasıhat barysynda bardy bar, joqty joq dep aıtylsyn), nemese, myń estigennen bir kórgen jaqsy degendeı, otaǵalaryn jınap Teriskeıdi bir aralatý syndy is áreketter uıymdastyrýdy jáne elge kelip, Soltústik óńirlerge kóshýge nıet etken azamattarǵa arnaıy jeńildikter men sýbsıdııalar paketin daıyndaýdy, Shet elden kelgen qandastardyń azamattyq alý tetikterin jeńildetý, aıdalaǵa sabyltpaı qujat máselelerin osy Soltústikte aq sheshý tetikterin qarastyrýdy jáne Oblys basshylyǵymen birlese otyryp —kóship kelgen qandastardy top— topqa bólip, tym bolmasa 7-8 otbasymen bir aýylǵa shoǵyrlandyrý múmkindikterin oılastyrýlaryńyzdy suraımyn. Teriskeı bizge amanat, - dedi avtor.
"Adyrna" ulttyq portaly
