Bügın QR Prezidentı Qasym-Jomart Toqaev Senat otyrysyna qatysty. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
Memleket basşysy aldymyzda tūrǧan negızgı maqsat elımızdegı tūraqtylyqty, qauıpsızdıktı saqtap qalu, Qazaqstannyŋ jarqyn bolaşaqqa qarai qarqyndy damuyna jol aşyp beru ekenın atap ötıp, kelesı jyly barlyq saladaǧy reformalar jalǧasyn tabatynyn jetkızdı.
– Biyl elımız zor qaterge tap boldy. Degenmen bız qiyndyqtyŋ bärın eŋserdık. Barlyq salada jüielı reformalardy qolǧa aldyq. Üş jarym jyl būryn bastalǧan saiasi özgerıster biyl tyŋ qarqynmen jalǧasty. Reformanyŋ auqymy keŋeidı. Bız üşın būl özgerısterdı jalpyūlttyq dialog arqyly jüzege asyru öte maŋyzdy. Osy mäselege bailanysty Parlamenttıŋ rölı äldeqaida joǧary bolmaq. Sondyqtan kele jatqan Parlamenttık sailauǧa men özım Memleket basşysy retınde airyqşa män berıp otyrmyn. Būl sailau elımızdıŋ zaŋyna säikes ädıl jäne aşyq ötuge tiıs, – dedı Prezident.Sonymen qatar Qasym-Jomart Toqaev azamattardyŋ memleket basqaru ısıne qatysu mümkındıgın bırtındep arttyryp jatqanymyzdy jäne Konstitusiialyq reformalar arqyly köptegen özgerıs jasaǧanymyzdy atap öttı.
– Küştı Parlamentı bar Prezidenttık respublika jüiesıne köştık. Prezidenttıŋ jaqyn tuystaryna joǧary lauazymdardy ielenuge tyiym salyndy. Al Prezidenttıŋ özı qyzmetın atqarǧan kezde eşbır partiiaǧa müşe bolmauǧa tiıs. Būl talap zaŋ jüzınde bekıtıldı. Memleket basşysy saiasi küşterdıŋ bärınen tysqary tūrady. Endı Prezident 7 jyldyq merzımge bır ret qana sailanatyn boldy. Iаǧni, bilıktı jeke-dara ielenuge jol berılmeidı. Joǧary lauazym ielerı auysyp otyrady. Saiasi üderıster aşyq, saiasi jüie ornyqty bolady. Bırqatar ökılettıkter Prezidentten Parlamentke, ortalyqtan aimaqtarǧa berıldı. Aralas sailau jüiesı engızıldı. Parlamenttıŋ rölı jäne märtebesı artty. Saiasi partiialardy tırkeu tärtıbı jeŋıldedı. Atalǧan maŋyzdy özgerıster Konstitusiiaǧa engızıldı. Elımızde jalpyūlttyq referendum jäne Prezident sailauy öttı. Jūrtşylyq reformalardy qoldap, dauys berdı, – dedı Qasym-Jomart Toqaev.Memleket basşysy adam qūqyǧyn qorǧau salasyna ärdaiym airyqşa män beretınıne toqtalyp, soŋǧy jyldary būl baǧytta aitarlyqtai ılgerıleu bar ekenın aitty.
– Ölım jazasyna bırjola tyiym saldyq. Tūrmystyq zorlyq-zombylyq jasaǧan adamdarǧa jaza qataidy. Sot reformasy jüzege asyrylyp jatyr. Zaŋ üstemdıgı jäne qazylardyŋ derbes ärı ädıl boluy – basty nazarda. Taǧy da qaitalap aitamyn: ädıldık pen zaŋdylyqty qamtamasyz etu – memlekettıŋ mındetı. Qoǧam bızden osyny kütıp otyr. Sondyqtan biyl adam qūqyǧyn qorǧau jüiesın jetıldıru jūmysy jalǧasty. Adam qūqyqtary jönındegı uäkılge konstitusiialyq kepıldık jäne immunitet berıldı. Bas prokurordyŋ qūqyq qorǧau qūzyretı küşeitıldı. Konstitusiialyq Sottyŋ qūryluy asa maŋyzdy qadam boldy. Būl organ jaŋa jyldan bastap jūmysqa kırısedı. Ol Ata zaŋ normalarynyŋ qataŋ saqtaluyn qamtamasyz etedı. Konstitusiialyq Sot azamattardyŋ qūqyqtary men bostandyqtaryn qorǧau ısıne zor üles qosady dep senemın, – dedı Memleket basşysy.Prezidenttıŋ aituynşa, būl bastama azamattarymyzdyŋ öz qūqyǧy men erkındıgın qorǧauyna jaŋa mümkındık beredı. Konstitusiialyq sottyŋ mūndai modelı damyǧan elderdıŋ köpşılıgınde qoldanylady jäne Konstitusiianyŋ üstemdıgın ornatuǧa yqpal etedı.
– Azamattardyŋ konstitusiialyq qūqyqtarynyŋ būzyluyna qatysty ötınışterımen jiı ainalysatyn Bas prokuror men Adam qūqyqtary jönındegı uäkıl de Konstitusiialyq Sotqa jügıne alady. Qaraşa aiynda Parlament «Konstitusiialyq Sot turaly» Konstitusiialyq zaŋ qabyldady, ol onyŋ jūmys tärtıbın retteidı jäne konstitusiialyq ıs jürgızu prinsipterın anyqtaidy. Qazırgı uaqytta Konstitusiialyq Sot apparatyn reformalau jūmystary aiaqtalyp keledı, – dedı Memleket basşysy.
"Adyrna" ūlttyq portaly
