Ekologiia jäne tabiǧi resurstar ministrı qyzmetıne Zülfiia Süleimenova taǧaiyndaldy. Būl turaly Telegram-daǧy Bort N1 arnasy jariialady, dep habarlaidy “Adyrna” tılşısı.
“Memleket basşysynyŋ Jarlyǧymen Zülfiia Bolatqyzy Süleimenova Ekologiia jäne tabiǧi resurstar ministrı lauazymyna taǧaiyndaldy”, – dep jazylǧan Jarlyqta.Prezidenttıŋ Jarlyǧymen Serıkqali Brekeşev Ekologiia ministrı lauazymynan bosatyldy. Aita keteiık, Zülfiia Süleimenova 1990 jylǧy 25 aqpanda Aqtöbe oblysynda düniege kelgen. Ūlty – qazaq. Qazaq, orys jäne aǧylşyn tılderın erkın meŋgergen. Lev Gumilev atyndaǧy Euraziia Ūlttyq universitetınen «Halyqaralyq qatynastar» mamandyǧy boiynşa bakalavriat pen magistraturany bıtırgen. «Qauıpsızdık jäne halyqaralyq zertteuler» baǧdarlamasy boiynşa Jopaniianyŋ Ūlttyq saiasi zertteuler institutynda PhD doktor därejesın alǧan. Prezidenttık jastar kadrlyq rezervınıŋ rezervşısı. Eŋbek jolyn 2014 jyly Jahandyq saiasat jäne qauıpsızdık ortalyǧy Öŋırlık jäne jahandyq qauıpsızdık bölımınıŋ ǧylymi qyzmetkerı lauazymynan bastady. 2020 jylǧy qaŋtardan bastap 2021 jylǧy qaŋtarǧa deiın Ekologiia, geologiia jäne tabiǧi resurstar ministrlıgı Ekologiialyq saiasat jäne tūraqty damu, Klimattyq saiasat jäne jasyl tehnologiialar departamentterınde direktordyŋ orynbasary lauazymdaryn atqarǧan. 2021 jylǧy qaŋtardan 2022 jylǧy nauryz aralyǧynda Mäjılıs deputaty boldy. 2022 jylǧy nauryzdan bastap osy künge deiın Ekologiia, geologiia jäne tabiǧi resurstar vise-ministrı.
Ūqsas jaŋalyqtar
