Bügın “Qasırettı Qaŋtar oqiǧasyna” tura 1 jyl. Byltyr 4-qaŋtar künı qazaq qoǧamyn dır sılkındırgen, qara jamyldyryp, bilıkke synaq bolǧan airyqşa jaǧdai oryn aldy. Täuelsızdık besıgı sanalatyn Almaty qalasy şahar tarihynda bolmaǧan bülınşılıktıŋ astynda qaldy.
Qūrban bolǧan beikünä säbiler, balasynan aiyrylǧan analar, äkesınen aiyrylǧan balalar. Halyqtyŋ ünın bilıkke jetkızemız dep beibıt şeruge şyqqan jandardyŋ oqqa ūşuy, tergeuge alynyp, qamalyp, betıne ütık basylyp, azaptaluy...
Narazylyq Jaŋaözennen bastalyp, keiın bırneşe aimaqta jalǧasyn tapty. Eŋ soraqysy - şeru Almatyda da oryn alyp, qala tügeldei qara jamyldy. Qala qirady, äkımdık ǧimaraty örtendı, dükender tonaldy.
Narazylyq şeruı 1-qaŋtardan bastalyp, 4-qaŋtar künı naǧyz şielınıske ainaldy. Bükıl Qazaqstan boiynşa mitingılerge qatysuşylar sany kürt artyp, 37 myŋǧa jettı. Atyrau oblysynda Teŋızşevroil kompaniiasynyŋ jūmysşylary jūmysyn doǧaryp, önım şetelge äketılmeuı üşın avtotrassa men temırjoldy japty. Atyrau, Aqtöbe oblystarynda özge ken oryndaryn da
ereuılder tolqyny basty. Qaraǧandy oblysynda "ArselorMittal Temırtau" şahterlary, metallurgtar, Jezqazǧandaǧy "Qazaqmys" kenşılerı, mys balqytuşylar ereuılderın bastady. 4–5 qaŋtarda otandyq öndırıs oşaqtary, önerkäsıptık käsıporyndar, tüstı, qara metallurgiia öndırısınıŋ betkeūstar oşaqtaryn narazylyq şaralary jailady.
Nätijesınde Jaŋaözende bastalǧan narazylyqtan soŋ, gaz baǧasy 50 teŋgege tüstı. Bırqatar bilık ökılderı qyzmetınen bosatylyp, keibırınıŋ üstınen osy uaqytqa deiın qylmystyq ıs qozǧalyp jatyr.
Būrynǧy Prezidenttıŋ zaŋsyz baiyǧan bırqatar tuysqandary, dostary qamauǧa alyndy, aldy sottaldy. Al jaŋa Prezidenttıŋ jaqyn tuystaryna joǧary lauazymdardy ielenuge tyiym salyndy. Onyŋ da bilıktı jeke-dara ielenuıne tosqauyl qoiyldy.
Alaida orny tolmas qazaǧa alyp keldı. 235-ke juyq adam qaza tauyp, 1 249 tūlǧa sottaldy. 2022 jyly halyqty eseŋgıretıp, bilıktı şoşytqan 1 aptaǧa sozylǧan oqiǧa esten ketpesı anyq. Alda ötkennıŋ qatelıgın qaitalamau üşın qadamymyzdy nyq basuymyz kerek!
https://youtu.be/sqpA-e5eu3k
Ūqsas jaŋalyqtar
