Orda būzar otyzyna taiaǧan azamat emşınıŋ qolynan qaza tapty. Onyŋ ölımıne küdıktı retınde halyq emşısı qamauǧa alyndy. Oqys oqiǧa 12 qaŋtarda Qarasai audanynda bolǧan. 28 jastaǧy er adam öz üiınde ölı tabylǧan. Sot-medisinalyq tekseruınıŋ nätijesınde keude quysynyŋ tūiyq jaraqaty, qabyrǧalarynyŋ synuy men ökpenıŋ jaraqattanuy saldarynan jas jıgıt qaitys bolǧan. Qaitys bolǧan azamatqa türlı auyr dene jaraqatyn salu sebebımen onyŋ ölımıne äkeluge qatysy bar degen küdıkpen poliseiler halyq emşısınıŋ üstınen qylmystyq ıs qozǧady.
"Polisiiaǧa qaitys bolǧan azamattyŋ tuystarynan älı künge aryz tüsken joq. Alaida būl derek boiynşa RQ Qylmystyq kodeksınıŋ 106-baby 3-tarmaǧyna säikes sotqa deiıngı tergeu amaldary jürgızılıp jatyr. Qylmystyq ıste küdıktı retınde dästürlı emes medisina qyzmetımen ainalysatyn 63 jastaǧy er adam aiyptalyp jatyr", - dep atap öttı Almaty oblysy polisiia departamentınıŋ baspasöz qyzmetı. Anyqtalǧanyndai, halyq emşısıne qaitys bolǧan azamatty onyŋ tuystary alyp kelgen. Tuystary, jas azamatqa jyn kırgen jäne sonyŋ saldarynan soŋǧy üş jyl qinalyp jürgen dep oilaǧan. Halyq emşısınıŋ 5 kün boiy türlı ädısterdı qoldanu arqyly azamattan jyndy şyǧaru saldarynan jäbırlenuşınıŋ köz jūmuy mümkın delınedı.
"Būl ıs Qarasai audany polisiiasynyŋ öndırısınde. Küdıktı uaqytşa ūstau mekemesıne qamauǧa alyndy", - dep oblystyq polisiia baspasöz qyzmetı mälımdedı.
"Adyrna" ūlttyq portaly
