Mádenıetti Eýropaǵa aparǵan kóshpendilerdiń urpaǵy qazir, nege mádenıetti Batystan úırenip júr? Janarbek Áshimjan aǵam kezinde jazyp edi, «Eýropa butyna japyraq baılap júrgende bizdiń babalarymyz ózin qoıyp, atyna deıin sary altynmen kıindirgen» dep. Bizge qazir kıiný mádenıetin qoıyp, sóıleý, sóılesý mádenıetin qaıtadan basynan bastap úırený qajet bolyp júr.
Mysaly, áleýmettik jelidegi bir posttyń astyna joq degende 2-3 adam mádenıetsiz pikir qaldyrady. Bul úlkenderdiń ǵana paraqshasynan ańǵarǵanymyz. Al, jastar kóp otyratyn VK jelisine kirseńiz tóbe shashyńyz tik turady.
Reseı Premer Lıgasyna aýysqan Erkebulan Seıdahmettiń «Ýfa» klýby men Baqtııar Zaınýtdınovtyń «Rostovynyń» saıtyndaǵy qarakózderimizdiń bir-birin boqtap jatqanyn kórgen reseılikterdiń ózi uıalyp ketken bolatyn.
Keshe ǵana Dmıtrıı Shomko aǵylshyndyq «Aston Vıllaǵa» aýysady degen aqparat shyqqanyn estigen bette, osy komandanyń resmı saıtyna kirgenbiz. Taǵy da, birin-biri áke-sheshesinen túk qaldyrmaı «túgendep» jatqan óz qandastarymyz. Bizge Qazaqstannyń ishi azdyq etip, álemdik dárejege shyǵa bastaǵandaı áser qaldyrady.
Bul tek qana sportqa qatysty jańalyqtarynan kórgenimiz. Odan qalsa elge, jerge, rýǵa bólinip alyp qyrylyp jatqan taǵy da qazaq balalary. Bir-birine nómirińdi qaldyrshy dep. Basqa elderdiń saıtyna kirseńiz boqtyq balaǵat emes, sol jańalyqqa qatysty óz oı-pikirlerin ǵana kóremiz.
Seniń jazǵan pikiriń tek óz oıyń ǵana emes, ulttyń da sanasynan habar beretinin eskersek, áleýmettik jelide aýyzǵa abaı bolaıyqshy.
«Adyrna» ulttyq portaly
