Mädeniettı Europaǧa aparǧan köşpendılerdıŋ ūrpaǧy qazır, nege mädeniettı Batystan üirenıp jür? Janarbek Äşımjan aǧam kezınde jazyp edı, «Europa būtyna japyraq bailap jürgende bızdıŋ babalarymyz özın qoiyp, atyna deiın sary altynmen kiındırgen» dep. Bızge qazır kiınu mädenietın qoiyp, söileu, söilesu mädenietın qaitadan basynan bastap üirenu qajet bolyp jür.
Mysaly, äleumettık jelıdegı bır posttyŋ astyna joq degende 2-3 adam mädenietsız pıkır qaldyrady. Būl ülkenderdıŋ ǧana paraqşasynan aŋǧarǧanymyz. Al, jastar köp otyratyn VK jelısıne kırseŋız töbe şaşyŋyz tık tūrady.
Resei Premer Ligasyna auysqan Erkebūlan Seidahmettıŋ «Ufa» kluby men Baqtiiar Zainutdinovtyŋ «Rostovynyŋ» saityndaǧy qaraközderımızdıŋ bır-bırın boqtap jatqanyn körgen reseilıkterdıŋ özı ūialyp ketken bolatyn.
Keşe ǧana Dmitrii Şomko aǧylşyndyq «Aston Villaǧa» auysady degen aqparat şyqqanyn estıgen bette, osy komandanyŋ resmi saityna kırgenbız. Taǧy da, bırın-bırı äke-şeşesınen tük qaldyrmai «tügendep» jatqan öz qandastarymyz. Bızge Qazaqstannyŋ ışı azdyq etıp, älemdık därejege şyǧa bastaǧandai äser qaldyrady.
Būl tek qana sportqa qatysty jaŋalyqtarynan körgenımız. Odan qalsa elge, jerge, ruǧa bölınıp alyp qyrylyp jatqan taǧy da qazaq balalary. Bır-bırıne nömırıŋdı qaldyrşy dep. Basqa elderdıŋ saityna kırseŋız boqtyq balaǧat emes, sol jaŋalyqqa qatysty öz oi-pıkırlerın ǧana köremız.
Senıŋ jazǧan pıkırıŋ tek öz oiyŋ ǧana emes, ūlttyŋ da sanasynan habar beretının eskersek, äleumettık jelıde auyzǧa abai bolaiyqşy.
«Adyrna» ūlttyq portaly
