Ońtústik Sýdanda prezıdent Salva Kıırdiń memlekettik ánuran oınalyp jatqan kezde resmı is-sharada zár shyǵarýy túsirilgen vıdeoǵa baılanysty alty jýrnalıst ustaldy. Bul týraly Ulttyq jýrnalıster odaǵy jarııalady, dep habarlaıdy “Adyrna” ulttyq portaly.
Kadrda 71 jastaǵy prezıdenttiń jańa joldyń ashylýynda sóz sóılegen kezde zár shyǵarǵanyn kórýge bolady. Vıdeo eshqashan teledıdarda kórsetilmegen, biraq áleýmettik jelilerde taraǵan.
Ustalǵan jýrnalıster – operatorlar Djozef Olıver men Mustafa Osman, beıne redaktory Vıktor Lado jáne beıne bóliminiń qyzmetkerleri Djeıkob Bendjamın, Cherbek Rýben jáne Djoval Týmbe. Olar vıdeony jelige taratyp jiberdi degen kúdikke ilindi.
Aıta keteıik, Kıır 2011 jyly Ońtústik Sýdan táýelsizdik alǵannan beri prezıdent qyzmetin atqaryp keledi. Bılik ókilderi onyń jaǵdaıy nashar degen qaýesetterdi qaıta-qaıta joqqa shyǵardy.
