Belgılı aitysker aqyn Rinat Zaitov polisiia qyzmetkerlerıne qatysty ötkır jazba jariialap, prezidentten "oiyna kelgenın" ısteitın poliseilerdı jūmystan şyǧaryp, jauapqa tartudy talap ettı. Būl turaly "Adyrna" ūlttyq portaly jazady.
"Qaŋtar oqiǧasynan keiın bızdıŋ eldegı polisiia jūmysy tittei bolsa da jaqsy jaqqa özgeruge tiıs edı. Ätteŋ. Qandy qaŋtarda bır mezette joq bolyp, tyǧylyp qalǧan saqşysymaqtar qaita tairaŋdamaqşy eken. Sözımnıŋ dälelı myna kısı balasy. Esımı Almat Yrǧaliev eken. Qazaqtyŋ qarşadai qyzyn jazyqsyz, zaŋsyz köşeden ūstap alyp, qylqyndyryp bölımge süiregen "PALUAN". Nazym qaryndasymyzdy kabinetıne kırgızıp alyp,( janynda taǧy bıreu bar) tergegen kezınde men jaily da sūraqtar qoiypty. Bılgısı kelgenın erteŋ betıme aitsyn. Erteŋ būiyrsa saǧat 13:00 Nauryzbai audandyq polisiia bölımşesıne Nazymdy jäne bır top täuelsız jurnalistterdı ertıp baramyn. Sūraimyn. Ol kısı balasyna Qazaq qyzdarynyŋ sūrauy joq dep aitqan kım? Qandai zaŋǧa süienıp qorǧansyz qyzǧa küş körsettı? Zaiytovtan ekstremist jasa dep kım būiyrdy? Osynşa qorlyqqa ündemei otyratyn MAL EMESPIZ!!! Q.K. Toqaev myrzanyŋ uäde etken özgerısterı şynymen bastalsa, pagonyn paidalanyp, oiyna kelgenın ısteitın polisailardy jūmystan şyǧaryp, jauapqa tartuyn talap etemın. P.S. Bız - qoidai momyn halyq bolǧanmen qyzdarynyŋ ary men ūldarynyŋ namysyn kırpık qaqpai küzetken QAZAQPYZ. Jeter. 30 jyl könıp bolǧanbyz", - dep jazdy Rinat Zaitov özınıŋ feisbuk paraqşasynda.
"Adyrna" ūlttyq portaly
Ūqsas jaŋalyqtar
