Massachýsets ýnıversıtetine qalaı túsýge bolady, Garvardqa túsýge qoıylatyn talaptar, robototehnıka salasy mamandyq tańdaýdaǵy áseri, amerıkandyq munaı kompanııasynda jumys tájirıbesi – bul týraly Taldyqorǵan qalasyndaǵy Nazarbaev Zııatkerlik mektebiniń túlekteri Samǵaý forýmynda sóz qozǵady.
Alma-mater qabyrǵasynda alǵash ret túlekterdiń forýmy ótti, onyń negizgi maqsaty Nazarbaev Zııatkerlik mektep túlekteriniń oqýshylarǵa kásiptik baǵdar berýin qoldaý bolyp tabylady.
Túlekter men oqýshylar arasyndaǵy biregeı dıalog alańy NIS Túlekter qaýymdastyǵynyń bastamasymen 300-den astam qatysýshylardy jınady.
Erkebulan Mıllat zııatkerlik mektebiniń 10-synyp oqýshysy forým spıkerleriniń biri, 2021 jylǵy túlegi Ánýar Rysbek sııaqty bolashaqta ushqysh bolýdy armandaıdy.
Búgin Ánýar Vengrııanyń Debreen ýnıversıtetiniń avıaııa fakýltetiniń 1 kýrs stýdenti. Ol óz sózinde NIS qalyptastyrǵan mýltıtaskıng, psıhoemoıonaldy jaǵdaıdy baqylaý, taım-menedjment syndy daǵdylar ýnıversıtette úzdik stýdentterdiń biri bolýyna kómekteskenin basa aıtty.
2018 jyldyń túlegi Anton Morgýnovtyń sózi oqýshylar arasynda erekshe qyzyǵýshylyq týdyrdy. Ol birden AQSh-tyń bes úzdik ýnıversıtetine shaqyrtý alǵan. Qazirgi ýaqytta MIT (Massachýsets tehnologııalyq ınstıtýty) 4 kýrs stýdenti, sonymen qatar halyqaralyq olımpıadalardyń jeńimpazdary men júldegerleri Qazaqstandaǵy mektep oqýshylary úshin tegin onlaın sabaqtar ótkizetin Beyond Curriculum bilim berý onlaın platformasynyń negizin qalaýshy bolyp tabylady.
Samǵaý forýmynyń paıdasy zor. Bul tańdaýly ýnıversıtetterge túsýdiń egjeı-tegjeıleri týraly, sondaı-aq mamandyq tańdaýda ne nársege nazar aýdarý kerektigi týraly bilý múmkindigi. Mysaly, men úshin hımık retinde hımıkke matematıkanyń tereń quraldary qanshalyqty qajet bolatyny tań qaldyrdy, — deıdi Anton óz suhbatynda.
Osy arada áıgili «Lıga Plıýa» - Garvard ýnıversıtetiniń ekinshi kýrs stýdenti Sezim Ertanatov paıdaly keńestermen bólisip, árbir oqýshynyń «Garvardqa qalaı túsýge bolady?» degen kókeıindegi saýalyna jaýap berdi.
Oqýdaǵy jetistikterim, kóshbasshylyq qasıetterim, úlken jumys qabiletim josparymdy júzege asyrýǵa múmkindik berdi. Garvardqa túsý kezdeısoq másele emes, tynymsyz eńbektiń nátıjesi. Qol jetpes asý joq, arman bolsa oryndalmaıtyn eshnárse joq», – dep túıindedi Sezim suhbatyn.
NIS túlegi esimin alyp júrý men úshin úlken mártebe. Búgin men spıker retinde sóz sóılep, tájirıbemmen bólisýdiń biregeı múmkindigine ıe boldym. Men bolashaq dıplomatpyn, yntymaqtastyq, azamattyq jaýapkershilik, qazaqstandyq patrıotızm sııaqty qundylyqtar mende de, mamandyǵymda da oryn taba alatyny sózsiz», — deıdi 2021 jyldyń túlegi, ál-Farabı atyndaǵy QazUÝ birinshi kýrs stýdenti Ajar Abıtaeva.
Sondaı-aq, zııatker oqýshylar forýmnyń arnaıy sessııasynda túlekterdi ózderiniń ǵylymı, áleýmettik, shyǵarmashylyq jáne IT jobalarymen tanystyrdy.
