Däulet Baqbergenov: «Būl baryp tūrǧan alaiaqtyq»

Jaqynda redaksiiamyzǧa käsıpker Däulet Baqbergenov habarlasyp, özı basqarǧan kompaniianyŋ sottyŋ solaqailyǧynan ädıletsızdıktıŋ qūrbany bolǧanyn aityp, araşa sūrady. Bız de Däulet myrzanyŋ sözın jerge tastamadyq. Mäselenıŋ män-jaiyn sūrap, bıldık. Däulet myrza Almaty qalasynda ornalasqan «Fuji-lift» jauapkerşılıgı şekteulı serıktestıgın basqarady eken. Būl serıktestık künı bügınge deiın liftı ornatumen ainalysyp kelgen. Söitıp, 2015 jyly «AHEKO» JŞS-men kelısımşart tüzıptı. Būl serıktestıktıŋ basynda Äzırbaijan qauymdastyǧynyŋ töraǧasy Äbılfas Muslimovich Hamedov deitın kısı bolǧan. Kelısımşarttı jasau, kelıssözder jürgızu prosessın basqa-basqa emes, däl osy Äbılfas Muslimūly jürgızgen eken. Tapsyrys beruşı türlı sebeptermen kelısımşart talaptaryn būzǧanyna qaramastan, aqyrynda sotqa berıp, sotta sudianyŋ bırjaqtyly şeşımımen jeŋıp şyqqan. Sot jauapker taraptyŋ naqtyly keltırgen dälelderınıŋ bırde-bıreuın eskermegen. Ärı qarai, sözımız sūiyq şyqpas üşın, «Fuji-lift» JŞS-nıŋ atqaruşy direktory Däulet Baqbergenovtı äŋgımege tarttyq. Sot prosessınıŋ qalai ötkenı turaly egjei-tegjeilı sūrap bıldık. Kelısım qalai jasaldy? Däulet Baqbergenov,  «Fuji-lift» JŞS atqaruşy direktory: - Sızderge tüsınıktı boluy üşın, kelısımşarttyŋ qalai tüzılgenınen bastaiyn. 2015 jyldyŋ mausym aiynda bızdıŋ «Fuji-lift» JŞS men «AHEKO» JŞS arasynda kelısımşart jasalǧan. Ol boiynşa bız olarǧa 6 liftı ornatyp beruımız kerek edı. Būl kelısımşarttyŋ jalpy somasy 5 million 300 myŋ teŋgedei boldy. 2016 jyldyŋ qaŋtar aiynda bız liftılerdı ornatu jūmystaryn bastadyq. Nege osynşa ūzaq uaqattyn soŋ? Bız kelısım jasalǧannan keiın-aq, ornatu jūmystaryn bastap keter edık. Kelısımşart boiynşa olar bızge liftılerdı ornatatyn jerlerdı daiyndap beruı kerek bolǧan. Iаǧni, liftı ornatatyn şūŋqyrdy daiyndap beruı kerek edı. Odan keiın, «AHEKO» JŞS arasynda kelısımşart tüzılgennen 3 künnıŋ ışınde jalpy somanyŋ 75 paiyzyn töleuı mındettı bolǧan. Olar 3 künde töleuı kerek somany 162 kün degende töledı.  Bıraq, bız sonda da jūmysty bastap kettık. Ötkendegı sot otyrysynda men osy mäselerdı aityp, ötınış, aryz, mälımdeme jasaǧan edık. Sot bızdıŋ mälımdemelerdıŋ bırde-bırın eskergen joq. Nege ekenı taǧy belgısız... Jalpy liftını ornatu ekı kezeŋnen tūrady. Bırınşı montaj jūmystary, ekınşı liftını ıske qosu. Toktaryn, elektrlık qūrylǧylaryn ıske qosu kezeŋı. Söitıp, montaj jasaityn jer daiyn emes. Bız būl turaly «AHEKO-ǧa» bırneşe hat jazdyq.  Liftını olar özderı satyp alǧan. Lift olardyŋ menşıgı. Olar bızge liftınıŋ bölşekterın äkelıp beruı kerek edı. Jalpy bır liftı 100 şaqty bölşekten tūrady. Bızge sol bölşekterdı äkelıp bergen soŋ, bız liftını ornatuymyz kerek qoi... «AHEKO» bızge sol bölşekterdı bölıp-bölıp äkele bastady. Onda da tolyq emes.  Sebebı, satyp alǧan liftterı basqa jerdegı qoimalarynda eken. Negızı kelısım boiynşa alty liftı ornatuymyz kerek. Bızge qalai jetızıp berdı, bız solai ornata bastadyq.  Liftınıŋ jabdyqtaryn bölıp-bölıp äkelgen soŋ, bız taǧy da «AHEKO-ǧa» aryz hattar jazdyq. Bıraq, olar bızdıŋ jazǧan hattarymyzdyŋ eşqaisysyna jauap bermedı. Joǧaryda aitqanymdai, kelısımşart somasynyŋ 75 paiyzyn jarty jyl sozyp jürıp, 162 künde töledı. Keiın, olar liftınıŋ köterıletın biıktıgın taǧy 3 metrge ūzartatynyn aitty. Qūrylys jürıp jatqan ǧimaratqa taǧy bır qabat qosylady eken. Ol kezde bız ornatu jūmystaryn bastap ketkenbız. Sodan, ǧimaratqa taǧy bır qabat qosylatyn boldy. Onyŋ da şūŋqyry daiyn emes. Jūmys taǧy toqtap qaldy. 3 metrge ūzarǧan soŋ, oǧan qosymşa bölşekter kerek qoi. Ol bölşekterdı «AHEKO» aluy kerek boldy. Söitıp, sozyp jürıp aldy. Aqyry, 2017 jyldyŋ qazan aiynda ǧana bızge liftı ornatatyn oryndy daiyndap, liftınıŋ qosalqy bölşekterın jetkızıp berdı. Bız sol kezde-aq, ony ornattyq. Liftınıŋ montajyn bıtırdık. Liftınıŋ negızgı jūmysy – qaŋqasy, auyr temır bölşekterı ornatyldy. Endı ony ıske qosu kerek. Qosu üşın elektrlık jabdyqtary kerek. Endı sol elektrlık jabdyqtardy jetkızıp bermei, soza bastady. Ol jere elektrlık jabdyqtar, planta, basqaru bölşekterı degen jabdyqtar kerek edı. Sodan bız, jaŋaǧy «AHEKO-ǧa» taǧy da hat jazdyq. Olar taǧy  jauap bermedı. Men osynyŋ barlyǧyn appeliasiialyq aryzda da, sotta da aityp, körsetkenmın. Bır qyzyǧy sudia osynyŋ eşqaisysyn eskergen joq. Bız şaǧymdarymyzdy hatqa tüsırıp, jaŋaǧy «AHEKO-ǧa» jıberemız. Olardan jauap joq. Söitıp, negızgı jūmystar aiaqtalǧan soŋ, olar bızge hat jazdy.  «Nege bıtırmeisıŋder?» degen maǧynadaǧy sūraqtardy qoidy. Tıptı, bızdıŋ jūmysqa mülde qatysy joq talaptardy qoidy. Osydan keiın, arada kelıssözder boldy. Ekı jaq kelısımge kelıp, bız ary qarai öz jūmysymyzdy jasai berdık. Olar da bızdı sotqa bergen joq. Bız de olardyŋ artynan qudalamadyq. 2017 jyldyŋ qazan aiynda montaj jūmystary tolyǧymen bıttı. Endı tek liftılerdı qosu kerek. Ol üşın joǧaryda aitqanymdai, elektrlık jabdyqtardy bızge äkelıp bermegen. Söitıp jürgende, jaŋaǧy ǧimarattaǧy özderınıŋ qūrylys jūmystary aiaqtalmai, sozylǧan jūmys sozyla berdı. Aqyry 2018 jyldyŋ qazan-qyrküiek ailarynda olar bızdı sotqa berdı. Sonda bızge kelısımşartty uaqytyly oryndaǧan joq dep şaǧymdandy. «Kelısımşartta körsetılgen öz mındetterın oryndamady. Kelısımşarttyŋ merzımın, şartyn būzdy» dep sotqa berıp, ekı arada jasalǧan kelısımşartty tolyq küşın joiatyndai etıp būzudy, özderı keşıktırıp tölegen 75 paiyzdyŋ aqşasyn tolyq qaitarudy talap ettı. Al sot bızdıŋ keltırgen argument dälelderımızdıŋ bırde-bıreuın eskermesten, «AHEKO-nyŋ» paidasyna şeşım şyǧaryp berdı. «Köp sūraqqa közın jūmǧan Madybaeva «äldenege» müddelı me?» Sudia Almaty qalalyq mamandandyrylǧan audanaralyq sotynyŋ sudiasy – Madybaeva Zeinekültai degen kısı. 2018 jyldyŋ 28-jeltoqsany künı men appeliasiialyq aryz berdım. Sol jerde aldyŋǧy sottaǧy sauatty, hat tanityn adamǧa aidan anyq öreskeldıktı jazdym. Aldyŋǧy sot otyrysy kezınde sudia Madybaeva bızdıŋ aitqan mälımdeme, eskertpe, aryz, dälelderımızdı eskergen joq. Äitpese, bız sotta barlyǧyn dälel faktımen, uaqyt-künımen körsettık. Tıptı, sot şeşımın qarasaŋyz aryzdanuşy, iaǧni tapsyrys beruşı «AHEKO» JŞS kelısımşarttyŋ bırde-bır punktın būzbaǧan siiaqty körsetılgen. Barlyq qatelık, zaŋ būzuşylyq tek bızdıŋ komaniia tarapynan bolǧan siiaqty. Mysaly, appeliasiialyq aryzda men nege bız tapsyrysty uaqytyly oryndai almaǧanymyzdy körsettım. Oryndai almaǧan sebebımız:

1. Olar bızge liftınıŋ bölşekterın jetkızıp bermedı. Aryzdanuşy tarap sot otyrysynda osyǧan qarsy eşqandai argument aita almady. Bıraq, sudia mūny eskermedı.
2. Liftınıŋ syzbalarǧa säikes bolmauy. Ony da aryzdanuşy tarap däleldei alǧan joq. Mūndai şart būzu bolmaǧanyn däleldei alǧan joq. Būl da eskerusız qaldy.
3. Kelısımşarttyŋ tölem boiynşa şarttaryn olar oryndaǧan joq. 3 künnıŋ ışınde töleitın qarjyny 6 aidyŋ, 162 künnıŋ ışınde töledı. Būl da kelısımşartty būzu edı. Bıraq sudia taǧy köz jūmdy.
4. Ornatu jūmystary jürıp jatqan kezde taǧy bır qabattyŋ qosyluy bızdıŋ jūmysymyzǧa kedergı keltırdı.
5. Odan keiın liftını qosuǧa, taǧy bır qabatqa köteru üşın qajet bölşekterdı uaqyty äkelıp bergen joq.
6. Liftını qosuǧa kerek bölşekterdı bızge der kezınde jetkızıp bergen joq. Sondyqtan bızdıŋ de jūmystarymyz edäuır keşeuıldedı.

Osynyŋ barlyǧyn sudia Madybaeva qarausyz, eskerusız qaldyrdy. Men appeliasiialyq aryzda jazdym. Aldyŋǧy sotta da bırneşe märte aittym. Sol kezde aryzdanuşy tarap eşbır argument aita almady. Osy appeliasiialyq aryzdy qalalyq sotqa jazdyq. Endı sot aryzdy öndırıske aluy kerek.  Sodan keiın sottyŋ künı taǧaiyndalsa, osy joly ädıldık ornaidy dep oilaimyn. «Bız nege «AHEKO-ny» sotqa bermedık?» Kelısımşarttyŋ talaptaryn osynşama öreskel būzǧan «AHEKO-ny» nege bız sotqa bermedık? Bız olardy sotqa bermedık. Bızdıŋ qatelık sol boldy.  Men kompaniianyŋ atqaruşy direktory retınde, basşylarǧa talai ret aittym. «Şara qoldanaiyq, sotqa bereiık» dedım. Ökınışke orai, bızben kelısım jasasqan kısı bızdıŋ basşylarmen jaqsy qarym-qatynasta bolǧan, bızdıŋ basşylar syilaityn lauazymdy kısı eken. Bızdıŋ basşylar solai dep sanaǧan. Jūrtqa syily, bıraz el tanityn kısı bolǧan soŋ, qazaqylyqqa salynyp, aradaǧy mäselelerdı söilesıp şeşıp jürgen edık. Äzırbaijan qauymdastyǧynyŋ töraǧasy ma, prezidentı me, äiteuır sondai adam. Aty-jönı Äbılfas Muslimovich Hamedov degen kısı. Negızı «AHEKO» degen kompaniianyŋ direktory – Abdullaev Tair degen kısı. Qūjatta solai dep körsetılgen. Al şyn mänısınde jaŋaǧy Aibdullaev Tair degen adam qūrylys boiynşa meŋgeruşı me, äiteuır sondai bır qyzmet atqarady. «Äbılfas Muslimovich – şeşım qabyldauşy tūlǧa» Kelısımşartty jasaǧan, teksergen, kelıssözderdı jürgızgen Äbılfas Muslimovich degen adam. Ol jaŋaǧy jerde būiryq boiynşa ıstep jür me, joq pa, bız ony bılmeimız. Sebebı, kompaniianyŋ resmi basqaruşysy, qūryltaişysy, jalǧyz qatysuşysy – Abdullaev Tair dep körsetılgen. Kompaniia resmi sonykı. Al şyn mänınde barlyǧyn şeşıp otyrǧan Äbılfas Muslimovich degen adam. Barlyq kelısımderdı jasaǧanda, kelıssözderdı jürgızgende bız sol Äbılfas degen kısımen kezdesıp, kelısım jasasyp otyrdyq. Menıŋ kelısım jasaityn qūzıretım joq. Men atqaruşy direktormyn. Resmi kompaniianyŋ būiryǧy şyǧady, menıŋ atyma. Men sol būiryqpen ǧana jūmys jasaimyn. Kelısımdı bızdıŋ basşylar jasaǧan. Ol kezde basşymyz Aibyn Äubäkır edı. Qazır Qūrmanälı Seraly degen azamat. Bızdıŋ ekeuara jasasqan kelısımşartqa Äbılfas degen kısı qol qoimaǧan. Degenmen, zaŋda şeşım qabyldauşy tūlǧa degen tüsınık bar. Äbılfas sol – şeşım qabyldauşy tūlǧa. Ondai tūlǧa kez kelgen jaǧdaida jauapqa tartylady. Ol kompaniianyŋ resmi ökılı bolmaǧan künnıŋ özınde, ol şeşım qabyldauşy tūlǧa kompaniianyŋ barlyq ıs äreketterıne jauap beruı kerek. «Būl baryp tūrǧan alaiaqtyq» Būl aşyq türde alaiaqtyq dep esepteimın. Sebebı, kelısımşart 2015 jyldyŋ jazynda jasalǧan. Olar bızdı 2018 jyldyŋ küzınde, arada üş jyl ötkennen keiın ǧana sotqa berıp otyr. Kelısımşarttyŋ merzımı 30 kün ǧana. Iаǧni, olar bızge liftını äkelıp, oryndy daiyndap beredı. Aqşasyn töleidı. Bız 30 künnıŋ ışınde 6 liftını ornatyp beruımız kerek. Bız būl kelısımşartty tüzerde özımızge jükteletın mındetterdı tolyq tüsınıp, 30 künnıŋ ışınde 6 liftını ornatamyz dep jasadyq qoi. Eger jaŋaǧydai, qūrylys jaǧynan kedergıler bolmasa,  talaptar oryndalsa, aqşany uaqyty tölese, liftını tügel, «mıne, ornatyŋdar» dep äkelse, bız onatyp berer edık. Bıraq  basynan bastap olai bolǧan joq. Aqşany keşıktırdı. Liftını uaqyty äkelmedı. Odan keiın orny daiyn emes boldy. Bız 3 jyl boiy kelıssözder jürgızu arqyly mäselenı şeşkımız keldı. 3 jyl boiy bız jūmys ıstedık. Tıptı 3 jyl 3 ai. Sodan keiın ǧana bızdı sotqa berıp jatyr. Eger şynymen olar bızdıŋ kompaniiamyzdyŋ kelısımşartty oryndai almaitynyna közı jetse nemese bızdıŋ jūmysymyzǧa köŋılı tolmasa, nege ekı aidan nemese  üş aidan keiın, meilı jarty jyldan nemese bır jyldan keiın sotqa bermedı? Sotta aldynda özderı keşıktırıp tölegen aqşany  tolyq qaitaru turaly talap qoiǧan. Iаǧni jaŋaǧy 5 millionnyŋ 75 paiyzyn qaitarsyn dedı. Bız 3 jylda köp jūmys jasadyq. 90 paiyz jūmysty aiaqtadyq. Endı tek sol liftını qosuǧa qajet bölşektı bermei, jūmys toqtaǧan kezde olar sony paidalanyp, bızdı sotqa berıp, aqşa öndırudı ǧana oilap otyr. Būl menıŋşe aşyq alaiaqtyq. «AHEKO-ny» bırneşe kompaniia sotqa bergen eken» Endı «sot.kz» degen saitty qaradym. Jaŋaǧy «AHEKO-ny» sotqa bergen bırneşe kompaniia bar eken. Būl sait ädılet ministrlıgınıŋ saity ǧoi deimın, qatelespesem.  Sol jerde kompaniianyŋ nömerı arqyly bıluge bolady. Kez kelgen kompaniianyŋ kımmen sottasyp jatqanyn, kım-kımge aryzdanǧanyn bıluge bolady. Bırneşe kompaniia «AHEKO-ny» sotqa bergen eken. Endı ol jerde kımdıkı dūrys ekenın men  bılmeimın, mümkın «AHEKO-nykı» dūrys şyǧar.  Bıraq aqşany keşıktırıp tölep jatyr degendı oqydym. «AHEKO-ny» sotqa bergen kompaniialar 17.07.2018 jyl. «NURASYL STROI» JŞS. 06.11.2018 jyl. «KVANT TORG SERVİS» JŞS. 21.11.2018 jyl. Almaty qalasy, Energetika jäne kommunaldyq şaruaşylyq basqarmasy, «Almaty Su» memlekettık kommunaldyq ūiymy.   Äbılfas Muslimovich – «Äzırbaijan qauymdastyǧy» RQB töraǧasy Bız Äbılfas Muslimūly Hamedovtyŋ biografiiasyna üŋıldık. Ol kısınıŋ nyspy-soiy kım ekenın, qandai qyzmetter atqarǧanyn bıldık. Äbılfas Muslimūly būrynǧy Oŋtüstık Qazaqstan oblysynyŋ Maqtaaral audanynda tuǧan eken. Almaty Säulet-qūrylys institutyn tämamdaǧan. 1993 jyldan bastap «HEMKO» qūrylys kompaniiasyn basqarady. Qazaqstan halqy Assambleiasy Keŋesınıŋ müşesı. Bıraz jyl Qazaqstan halqy Assambleiasy töraǧasynyŋ orynbasary bolypty. 2018 jyldyŋ 28 säuırınde Prezident pärmen berıp, Äbılfas Muslimūly Hamedovty töraǧa orynbasary qyzmetınen bosatqan eken. Aqordanyŋ resmi saity solai dep jazady. 2007 jyldan qazırgı kezge deiın «Äzerbaijandyqtar qauymdastyǧy» respublikalyq qoǧamdyq bırlestıgınıŋ töraǧasy bolyp tabylady. «Qūrmet» ordenın taqqan, Assambleianyŋ jäne basqa da mereitoilyq medalderdıŋ iegerı eken. «Uikipediiadaǧy» mälımette – «Abilfas Muslimovich jyl saiyn qaiyrymdylyq maqsattarǧa, mamandandyrylǧan mektepter men mügedekterge arnalǧan internattardy qaita qūrylymdau men jöndeuge qarjy böledı, bala baqşalaryna, tūrmysy tömen otbasylaryna materialdyq kömek körsetedı» dep jazylǧan eken. Bız mäselenıŋ aq-qarasyn aiyru maqsatynda Äbılfas Muslimovichtıŋ qalta telefonyna bırneşe märte qoŋyrau şaldyq. Telefon tūtqasyn eşkım kötergen joq. Odan keiın, «spra.vkaru.net» portalynda körsetılgen qalalyq telefonǧa da habarlastyq. Ökınışke orai, qoŋyrauymyz jauapsyz boldy. Tüiın. Bız äzırge būl maqalaǧa qatysty tüiın jazbadyq. Äbılfas Muslimūly şeşım qabyldaityn «AHEKO» serıktestıgınıŋ talap-aryzyn qūptap şyǧarǧan, sudia Madybaevanyŋ şeşımın appeliiasiiaǧa bergen eken. Aryz beruşı «Fuji-lift» serıktestıgı appeliiasiialyq sot ekı taraptyŋ da uäjın estıse, ekı tarapqa da ädıl şeşım şyǧarsa deidı. Bız de osydan ümıttımız. Appeliiasiialyq sot ädıl törelegın aitar... Deitūrǧanmen, Prezident jarlyǧymen Assambleiadaǧy qyzmetınen bosatylǧan Äbılfas Muslimovich Hamedov myrza künı bügınge deiın «Äzırbaijan qauymdastyǧy» bırlestıgın basqaryp kele jatyr eken. Jauapty qyzmette, jūrt aldynda jürgen, el men eldıŋ, adam men adamnyŋ tatulyǧyna jauapty azamattardyŋ attary osyndai keleŋsız oqiǧalarda atalyp qaluy – eşkımge abyroi äpermeitını şyndyq. Qazaq «eldestırmek elşıden» deidı. El ışınde elşılık etıp jürgen Äbılfas Muslimovich te mūny eskerse igı edı... Maqala abai.kz aqparattyq portalynan alyndy. Tolyq sılteme: https://abai.kz/post/84272?fbclid=IwAR3Eem52MvaMZHmxbPhh7zzv2b6FvvTa7cc1CQn9tqArR8dmmIyvFBP_JwU