Qaraǵandy oblysynda "qoryqshylarǵa shabýyl jasady" degen kúdikti úsh adam ustaldy. Bul týraly ishki ister mınıstrliginiń (IIM) baspasóz hatshysy Almas Sadýbaev habarlady.
Sadýbaevtyń málimdeýinshe, Qaraǵandy oblysynyń Nura aýdanynda "Ohotzooprom" respýblıkalyq mekemesiniń ınspektory Erlan Nurǵalıevtiń ólimine kúdikti dep tanylǵandar 21 qańtar kúni Qyzylordada "arnaıy operaııa barysynda jeke úıde ustalǵan". Qazir kúdiktiler ýaqytsha ustaý abaqtysyna qamalyp, tergelip jatyr.
Ishki ister mınıstrligi 18 qańtarda "Qaraǵandy oblysynda qoryqshylarǵa shabýyl jasady" degen kúdiktilerdiń sýreti men aty-jónderin jarııalaǵan. Olar - B.M. Ahmetov, N.M. Shýkıldıkov, K.V. Akshanov.
17 qańtarda Astanada jýrnalıster suraqtaryna jaýap bergen ishki ister mınıstri Qalmuhanbet Qasymov polıııa kúdiktilerdiń anyqtalǵanyn, olardyń Qyzylorda oblysynyń týmalary ekenin aıtqan.
P.S. Biraq, áleýmettik jelidegi pikirlerdiń kópshiligi ustalǵandardyń qylmysqa qatysy baryna senbeıtinin aıtýda. Naǵyz qylmyskerler qutylyp ketip, onyń ornyna joǵary laýazymdy "ańshylardyń" shopyrlary men atqosshylary "kinálárin" moıyndap, qylmysty moınyna alýy múmkin ekenin jazýda.
"Adyrna" ulttyq portaly
