Şeteldıkterdıŋ Qazaqstanda qalu merzımı qysqardy. Būl turaly Işkı ıster ministrlıgı immigranttardyŋ Qazaqstanǧa kıru jäne elde qalu erejelerınıŋ qalai özgeretının tüsındırdı, dep habarlaidy “Adyrna” ūlttyq portaly.
İmmigranttardyŋ Qazaqstanǧa kelu jäne elde qalu erejesıne engızılgen özgertulerge säikes, Qazaqstanǧa kıru üşın viza talap etılmeitın şeteldıkter elde 30 kün bola alady. Bıraq 180 kün (alty ai) ışınde olardyŋ jalpy bolu merzımı 90 künnen aspauy kerek.
"Qazaqstanǧa kelgen EAEO azamattary 180 kün ışınde tek 90 kün ǧana respublika aimaǧynda bola alady. Erejenıŋ aldyŋǧy nūsqasynda būl mäsele şeşılmegen bolatyn. Şeteldıkter el aumaǧynda bolu merzımı aiaqtalǧannan keiın Qazaqstannan şyǧyp, qaita kıre alatyn edı. Qazır būl şarttarǧa özgerıs engızıldı", – dep atap öttı ministrlık.
Jaŋa şekteuler kezınde uaqytşa tūruǧa rūqsat nemese viza alǧan şeteldıkterge qoldanylmaityny atap ötıldı. Basqarma osyndai talaptardyŋ halyqaralyq täjıribede de qoldanylatynyn atap körsetedı. Atap aitqanda, Qazaqstan azamattary Belarus pen Resei aumaǧynda 180 kün ışınde 90 künnen aspaityn merzımde bola alady.
Sonymen bırge, "Qūqyqtyq aktıler turaly" Zaŋǧa säikes normativtık qūqyqtyq aktınıŋ küşı ol qoldanysqa engızılgenge deiın kırgenderge qoldanylmaidy. Iаǧni, erejege engızılgen özgerıster 2023 jyldyŋ 27 qaŋtarynan bastap Qazaqstanǧa kelgen şeteldıkterge qatysty bolady.
"Eger Qazaqstanǧa kırgen kezde belgılengen jäne rūqsat etılgen el aumaǧynda qalu merzımınen asyp ketkenı anyqtalsa, Şekara qyzmetı "Halyqtyŋ köşı-qony turaly" zaŋnyŋ 48-babyna säikes elge kıruge şekteu qoiady", – dep qorytyndylady ministrlık.