Redaksiiamyzǧa jeldıŋ ötındegı, eldıŋ şetındegı Ürjar audanynan hat kelıp tüstı. "Adyrna" ūlttyq portaly beitarap pıkır alaŋy bolǧandyqtan qarsy jaqtyŋ da jauabyn basuǧa daiyn.
Qūrmettı dostar! Jerlester!
Ürjar audanynyŋ äkımı Serık Zainuldin myrzanyŋ, audan äkımı bolyp taǧaiyndalǧanyna, qatelespesem, alty jyldai uaqyt boldy. Bız – audandaǧy qoǧam belsendılerı, alǧaşqy kezderde äkımge senım artyp, köptegen ūsynystar men pıkırler aitqan edık.
Soŋǧy kezde, üş jyldai boldy, audan äkımıne baryp ötınış aitqandy qoidyq. Sebebı, bızdıŋ bırde-bır ötınışımız oryndalmady, aitqan pıkırımız eskerılmedı. Audan äkımı ärdaiym şyǧaryp salma jauappen, qūrǧaq uäde berumen ǧana şekteletın boldy. Tıptı, şyndyqty aitqan adamdardy sotqa süireleuge deiın bardy.
Sondyqtan, men, audan äkımınıŋ esep beru jiynyna qatysudan bas tarttym. Esesıne, jiynda qoiatyn sūraqtarym men pıkırlerımdı, köptegen adamdardy habardar etu üşın, äleumettık jelı arqyly bıldırgendı jön kördım...
•••••••••••••••
Audan äkımıne saual!!!
Ötken jyly Köközek auyly tūrǧyndarynyŋ ötınışı boiynşa, sol auylda bolǧan kemşılıkterdı aityp, ǧalamtorda jariialaǧanym üşın, audan äkımı Zainuldin myrza, Köközek auylynyŋ on tūrǧynynyŋ üstınen (Onyŋ ışınde men de barmyn):
- Ar-namysyma, qadır-qasietıme jäne ıskerlık bedelıme nūqsan keltırdı,- dep, sotqa aryz tüsırıp, bır million teŋge aqşa öndırıp almaqşy boldy.
Osy mäsele boiynşa sot otyrysy boldy. Alaida sot mäjılısıne talapker Zainuldin myrza kelgen joq, sotqa jazǧan talap aryzyn qaitaruyn ötınıp, ıstı özınıŋ qatysuynsyz qaraudy sūraǧan. Soǧan bailanysty Ürjar audandyq soty Talap-aryzdy qarausyz qaltyrdy.
Ary qarai, ıstıŋ egjei-tegjeiın aitpai-aq, negızgı sūraǧyma köşeiın...
Joǧaryda atalǧan jaǧdailarǧa bailanysty, Ürjar audanynyŋ äkımı Serık Zainuldin myrzaǧa QR Zaŋdarynyŋ talaptaryna sai jauap beruıŋızdı sūraimyn, dep, ötken jyldyŋ şılde aiynda mynandai mazmūnda ötınış jazyp, alty sūraq qoidym:
1. «Araşaşyǧa alty taiaq», «Araşaşynyŋ da qazaq ışınde öz jön-josyǧy bar» demekşı, men, araşaşy, ärı kuäger retınde hatqa 10-şy bolyp qol qoisam da, sız sotqa jazǧan talap-aryzyŋyzda menıŋ aty-jönımdı bırınşı qatarǧa qoiyp, №1 jauapker retınde, «erekşa qūrmet körsetıpsız». Ondai «qūrmetke» ie bolǧanyma razymyn!
Dese de mūndai «qūrmetke» ie bolǧanyma taŋym bar. Menıŋ bar jazyǧym Köközek auyly tūrǧyndarynyŋ jan aiqaiyn joǧarǧy bilıkke jetkızgenım be?
Menıŋ ıs-äreketterımnıŋ qai jerı zaŋsyz, QR Zaŋdarynyŋ qandai baptaryna süiene otyryp aiyptamaq boldyŋyz? Oǧan naqty qandai dälelderıŋz bar?
2. Aşyq hatta keltırılgen naqty derekter, däleldeudı qajet etpeitın şyndyq. Jasalǧan jūmystardyŋ sapasyz, tıptı proektıge säikes emestıgı turaly qūzyrly organdardyŋ mörı basylǧan akt (Defektılık akt), foto, audio jazba, auyl tūrǧyndary jinalysynyŋ köşırmesı siiaqty būltartpas dälelder jetkılıktı.
Alaida, sız būltartpas derekterdı esepke almai, audandyq sotqa bızdıŋ üstımızden «Ar-namysty, qadır-qasiettı jäne ıskerlık bedeldı qorǧau jäne moraldyq ziiandy öndıru turaly talap-aryz» tüsırdıŋız.
«AŞYQ HATTA» Sızdıŋ jeke basyŋyzǧa, ar-namysyŋyzǧa tietın jep qoiypty, jemqor eken degen bırde-bır söz joq. Solai bola tūra, jemqolyq körınısterımen közge tüsken adamdarǧa aitylǧan sözderdı sız, nege, özıŋızdıŋ jeke basyŋyzǧa tigendei etıp qabyldadyŋyz?! Älde...?! Sotta bır adam, būl turaly öz küdıgın aitqan bolatyn...
3. Al ıskerlık bedelıŋız turaly aituyŋyz orynsyz. Eger ısker adam bolsaŋyz, audan basşysy retınde, hatta körsetılgen, Köközek auylyndaǧy däleldeudı qajet etpeitın kemşılıkterge nege jol berdıŋız? Osy keleŋsızdıkterge jol bergen adamdardy jauapqa tartudyŋ ornyna, şyndyqty aituşylar nege jazalanuy kerek?
4. Adamnyŋ ar-namysy turaly aitar bolsaq, Köközek auyly tūrǧyndarynan joq suǧa aqşa talap etıp, «Aşyq hat» jazuşylarǧa qoqan-loqy körsetıp, sotpen qorqytpaq bolǧan äreketterdı bastan ötkızgen... qarapaiym adamdardyŋ ar-namysyn kım qorǧaidy?
Eŋ masqarasy audandaǧy qūrylysy bıtpegen nysandardy köpşılıktıŋ kömegımen aiaqtap, jemqorlardyŋ bylyq-şylyǧyn jabuǧa mäjbür. Olar (negızınen mūǧalımder) nege özderınıŋ qyzmettık mındetterıne jatpaityn jūmystar atqaruy kerek? (Bızde qūrylysy tolyq aiaqtalǧan obektınıŋ bar ekenın estımeppın)
(QR Zaŋdarynda bilıktegıler: «...Qol astyndaǧy adamdardan qyzmettık mındetterınıŋ şeŋberınen tys tapsyrmalar oryndaudy talap etpeuge mındettı» - dep atap körsetılgen. Endeşe, jemqorlar üşın olar nege zardap şeguı kerek? Būlardyŋ ar-namysy da nege taptalady? Nege osy zaŋsyzdyqtardy toqtatpadyŋyz?
Älde, köpşılıktıŋ ar-namysynan, sızdıŋ – halyq üşın qyzmet etuge mındettı memlekettıŋ qyzmetkerdıŋ ar-namysy, qarapaiym halyqtan joǧary bolǧany ma? Nege büitıp adamdardy qorlaisyz??? Osy da ıskerlık pe?
5. 25 mamyr 2018 jylǧy Ürjar audandyq sotynyŋ ūiǧarymymen sızdıŋ sotqa jazǧan talap-aryzyŋyzdy qaitaryp aluyŋyzǧa bailanysty, talap-aryz qarausyz qaldyryldy.
Sotqa bergen talap-aryzyŋyzdy nege qaitaryp aldyŋyz? Nege raiyŋyzdan qaittyŋyz? Älde täubeŋızge keldıŋız be? Bolmasa şyndyqtyŋ bärıbır üstemdık alatynynan seskendıŋız be?
6. «İmenıp jürıp körgen igılıkten - qarsylasyp jürıp körgen beinet artyq» - demekşı, būl ıstı ary qarai, ökınışke orai, özım ǧana jalǧastyruyma tura kelıp tūr.
Sebebı, Köközek auylyndaǧy bylyq-şylyqty aşuǧa türtkı bolǧan, sony ūiymdastyrǧan adamdarmen, auyldaǧy su qūbyry jöndelse de, jöndelmese de Ürjar audandyq sotynyŋ törelıgıne jügınıp, sotqa talap-aryz tüsıretın bolyp kelısken bolatynbyz. Alaida, būl azamattar bilıkpen ymyraǧa kelıp, dauly mäselenı ary qarai qozǧaǧysy kelmeitın bıldırdı. Iаǧni menı satyp kettı.
Tıptı soraqysy ūiymdastyruşylardyŋ bıreuı üiıme kelıp: «Endı bızge eşkımde tiıspeidı, merdıger materialdyq şyǧynnyŋ öteuı üşın aqşa berdı...» - dep maǧan 50 myŋ teŋge aqşa ūsyndy. Almadym. Arymdy aqşaǧa satpaimyn.
Ūiymdastyruşylar materialdyq şyǧynnyŋ ötemın aldy. Ony bılemın...
Al qalǧandarynyŋ materialdyq-moraldyq şyǧyndaryn kım öteidı???» - dep, jazbaşa, alty sūraqtan tūratyn ötınış berdım.
Jauabyn aldym. Bıraq, jauabyna qanaǧattanbadym. Ekınşı ret jazdym. Būl ötınışke de naqty jauap almadym.
Endı osy sūraqtarǧa bailanysty taǧy da ekı sūraǧym bar:
1. Jeke jäne zaŋdy tūlǧalardyŋ ötinişterin qarau tärtibi turaly Qazaqstan Respublikasynyŋ 2007 jylǧy 12 qaŋtardaǧy N 221 Zaŋynyŋ ...
«10-şy jäne 14-baptarynda: «Ötinişterge beriletin jauaptar... mazmūny boiynşa negızdelgen jäne naqty derekterdı qamtuǧa tiıs jäne ötınış beruşı däleldı jauap aluǧa qūqyǧy bar» - dep jazylǧan.
Endeşe QR zaŋdarynyŋ talabyn audan äkımı S.Zainuldin myrza nege oryndamaidy? Audan äkımı QR Zaŋdarynyŋ talaptaryn moiyndamaǧany ma? Älde, audan äkımı QR-nyŋ zaŋ talaptaryn oryndauǧa mındettı emes pe?
Tıptı, eŋ soraqysy, menıŋ, audan äkımı – Zainuldin myrzaǧa jazǧan ekı ötınışıme, audan äkımı emes, onyŋ orynbasarlary jauap berdı. Audan äkımıne baǧyttalǧan ötınışke, orynbasarlarynyŋ jauap bergenıne taŋym bar. Būl arada olardyŋ būl ıske qandai qatysy bar? Jauap hatta, qoiylǧan sūraqtardyŋ bırde-bıreuıne, naqty jauap joq... Endeşe, aldamsyratyp jaza salǧan, şyǧaryp salma jauaptyŋ nege qajetı bar?
2. «Korrupsiialyq qūqyqbūzuşylarǧa qarsy küreske at salysqan azamattarǧa, «KORRUPSİIаǦA QARSY KÜRES ZAŊYNYŊ» 5 jäne 7 baptaryna sai memleket qoldau körsetıp, öz qorǧauyna alady» - dep jazylǧan.
Demek, audan äkımı būl zaŋǧa da tükırgenı me? Ne degen masqara!!!
Qūrmetpen:-Toqan Tūrsynbaev
