"Mäjılıs deputaty bolamyn" dep sailauǧa tüskelı jatqan dıntanuşy Tūrarbek Qūsaiyn islamtanuşy Altynbek Ajokūly "meşıtke ruhani azyq ızdep kelgen talai qyz-kelınşekterdı aldap, paidalanǧan". Būl pıkırdı özınıŋ instagram paraqşasynda jazdy, dep habarlaidy "Adyrna" ūlttyq portaly.
"Elımızde asyl dınımız İslamǧa qarsy jüielı türde aqparattyq soǧys bolyp jatyr. Ardaqty paiǧambarymyzǧa tıl tigızıp, jala jabuşylar özderın täŋırşılmız degen ūiymdasqan top ekenın de bärımız jaqsy bılemız. Osy adasqan toptyŋ basy-qasynda jürgen Tūrarbek Qūsaiyndy men 2000-şy jyldardan berı jaqsy tanimyn. Kezınde Atyrauda medresede bırge oqyǧanbyz,sodan Tūrarbek kei jyldary Qūspan molda jäne İmanǧali meşıtınde kezekşı imam qyzmetın atqardy. İmam-molda bolyp jürgende näpsısın tiia almai, meşıtke ruhani azyq ızdep keletın qyz-kelınşekterdı aldap az ǧana merzımge neke qiyp, paidalanǧanyn da talai ret estıdım. Estıgen qūlaqta jazyq joq degendei būndai zinaqor adamnyŋ qanşama dıni sekta-ūiymdardyŋ ışınde bolyp, eŋ soŋynda mūsylmandardyŋ qara şaŋyraǧy müftiiatqa şüilıguın satqyndyq pen opasyzdyq dep esepteimın. Äleumettık jelıde Tūrarbek Qūsaiyn aldaǧy mäjılıs sailauyna özın deputattyqqa ümıtker retınde tırkeletının aitypty. Men öz basym būndai arsyz-adasqan täŋırşınıŋ bilıkke keluıne üzıldı-kesıldı qarsymyn",- dep jazdy Altynbek Ajokūly.
"Adyrna" ūlttyq portaly
