Búgin Astana Meeting World Indoor Tour halyqaralyq týrnıriniń press-konferenııasy ótti

1932
Adyrna.kz Telegram

22-qańtar kúni «QAZAQSTAN» jeńil atletıkalyq sport kesheninde jeńil atletıkadan kúmis deńgeıdegi Astana Meeting World Indoor Tour halyqaralyq týrnıriniń press-konferenııasy ótti.

Baspasóz jıynyna jeńil atletıkadan ulttyq qurama sportshylary Mıhaıl Lıtvın, Adelına Zems, Olga Safronova jáne týrnırge qatysýshy sheteldik sportshylar Maıkl Rodjers (AQSh), Shennon Reı (AQSh), Jýa Vıtor De Olıvera (Portýgalııa) qatysty.

WORLD ATHLETICS INDOOR TOUR – 2016 jyldan beri ótkizilip kele jatqan jyl saıynǵy serııa. Bıylǵy maýsym 17 jarystan turady. Olar 2023 jyldyń 20-qańtary men 11-naýryz aralyǵynda AQSh, Qazaqstan, Germanııa, Chehııa, Franııa, Slovakııa jáne Serbııa elderinde ótedi. 

«Astana Meeting» halyqaralyq týrnıri baǵdarlamasyna jeńil atletıkalyq jarystardyń 10 túri engizilgen. Baǵdarlamanyń ár túriniń júlde qory 4000 AQSh dollaryn quraıdy. Júlde ár jarys túrinde úzdik tanylǵan 6 sportshy arasynda úılestiriledi»,- dep habarlady jarys dırektory Ashat Seısembek. 

Astana Meeting-ke qatysýshy atletter sany 92. Olardyń 72-si otandyq sportshylar bolsa qalǵan 20 atlet shetel ókilderi.

AQSh ardageri Maıkl Rodjers jáne Efıopııada 1500 metr qashyqtyqtaǵy jabyq jaıda ótken álem chempıonatynyń júldegeri Hırýt Meshesha –Astana Meeting-ke málimdelgen eń úlken juldyzdar.

60 metrlik sprıntte Rodjerske AQSh-tyń burynǵy jabyq jaıdaǵy chempıony Demek Kemp pen Portýgaldyq Frederıko Kýrvelý qarsylas bolady. Sonymen qatar týrnırde Ózbekstan ókilderi, bıiktikke sekirýden álemdik birinshiliktiń birneshe márte fınalısti Safına Sadýllaeva men Darıa Reznıchenko uzyndyqqa sekirýden óner kórsetedi. 

Kenııalyq Nıkolas Kıplagat, burynǵy 20 jasqa deıingi Eýropa chempıony horvatııalyq Marıno Blýdek jáne Balqan chempıony Slovenııalyq Ian Výkovıch 800 metr qashyqtyqta jarys jolyna shyǵady. 

Kýbalyq Rodjer Irıbarne jáne burynǵy 18 jasqa deıingi Eýropa chempıony Vengrııalyq Danıel Eszes 60 metrge kedergilermen júgirýden baq synaıdy. Sondaı-aq amerıkandyq Shennon Reı, Barbadostyq Trıstan Evelın, tájirıbeli brazılııalyq Fransıela Krasýkı jáne avstrııalyq Magdalena Lındner 60metr qashyqtyqta áıelder arasynda synǵa túsedi.

Astana meeting otandyq jeńil atletıkanyń halyqaralyq deńgeıdegi bedelin jáne sportshylar arasyndaǵy básekelestikti arttyrady. Bul jarys elimizdiń jáne Azııa óńiriniń jeńil atletıkasyndaǵy eń bedeldi jarystardyń birine aınalady.

Astana Meeting World indoor tour Silver halyqaralyq týrnıri 23-qańtarda Astana q. «QAZAQSTAN» jeńil atletıkalyq sport kesheninde ótedi. Bastalýy saǵat 19:00.

Pikirler