“MEN QAŊTARDA KÖŞEGE ŞYQQAN JOQPYN, MARGİNAL EMESPIN!”-degen Dinara Egeubaevanyŋ özı bıraq “6 qaŋtar” atauymen sailauǧa tüspek… “Habar” arnasynda diktorlyqpen elge tanymal bolǧan Dinara Egeubaevanyŋ Qaŋtar turaly sūhbattaryn kördım, ūnady. Qaŋtar qasıretıne qatysty jaqsy eŋbek etıp jür. Bıraq mynau Qaŋtar qasıretın tartqan qazaqtar turaly orys tılınde aitqan sözı qaŋtardyŋ qaryndai suyq eken…
Ärine, sailau men sailanu ärkımnıŋ qūqy, eşkımge qarsy emespız. Bıraq, Qaŋtar qasıretın tartqan Qazaqtardyŋ tılın bılmeitın, Resei tılınde ǧana söileitınder bolaşaǧyn qai tılmen bailanystyrady? Öitkenı, būl mäsele, halyqtyŋ Memlekettık tıldı talap etuı künnen-künge küşeiıp keledı!
"Qaŋtarda köşege şyqqandar marginaldar. Men marginal emespın, Almatyda ösken korennaiamyn" deptı Dinara Egeubaeva”-dep jazdy jurnalist Oŋǧar Qabden de özınıŋ feisbuk paraqşasynda.
- Qanşa jyl Dariǧa Nazarbaevanyŋ qasynda jürıp-jürıp kelıp, aiaqasty qaŋtardan bastap “oppozisiiamyn” dep şyǧa kelgen Dinaranyŋ da äuselesı belgılı boldy.
Keşegı qaŋtarda aqyryp teŋdık sūrap, köşege şyqqan qarapaiym qazaqtyŋ jıgıtterı edı. Būlar älı de qazaqtıldılerge marginal retınde qaraidy eken. Sebebı belgılı. Neşe jyl Mäskeude tūrǧan Egeubaeva auyldyŋ mämbet qazaǧyn bylaişa mensınbeuı zaŋdylyq ta-dep naqtylaidy ol.
“Qazaqtyŋ tılın bılmeitın adam onyŋ qūqyn qorǧaidy degenge senu öte qiyn”-dep turasyn aitady Oŋǧar bauyrymyz.
İä, Dinara Egeubaevanyŋ “6 qaŋtar” blogy baspasöz mäslihatynda “qazaqşa aityŋyzşy” degen tılşı sūraǧyna: “Men orysşa aitamyn. Qazır sūraqty Duman tüsındırıp bersın”-degenınde-aq “sonda qazaqşa jauap bermek tügılı qazaqşa sūraqtyŋ özın tüsınbei otyr ma?”-dep, tıksınıp qalǧan edık…
Oŋǧar Qabden “Marginaldar” degen sözdıŋ maǧynasyn da tüsındıre ketedı:
- Eger “marginal” degen ne ol deseŋız, vikipediia bylai deidı. “Marginal - chelovek, nahodiaşiisia na granise razlichnyh sosialnyh grupp, sistem, kultur i ispytyvaiuşii vliianie ih protivorechaşih drug drugu norm prava, sennostei i tak dalee. Chaşe vsego marginalami nazyvaiut silno opustivşihsia liudei, nahodiaşihsia na grani liumpenizasii: alkogoliki, narkomany, BOMJi, prostitutki.”
Osy taqyryp turaly ekınşı jazba qaldyrǧan Oŋǧar Qabden Dinara Egeubaeva turaly posty köp talqylanǧanyn jazady. Bıraq mūhittyŋ arǧy jaǧynda jatqan Aijan Hamit sol posttyŋ astyna kelıp, qazaqtıldılerdı qalai balaǧattaǧanyn sol Aijan Hamittıŋ söileitın tılınde keltırıptı. Ol qazaq qyzy emın-erkın ottaǧan boǧauyz sözderdı men bıraq būl jerge paraqşama jaza almadym…
“Tılı bölektıŋ - dılı bölek!”, Tılı jattyŋ -tärbiesı jat” degen osy şyǧar…
Qazybek İSA
