Şymkentte jastar saiasaty ıs-şaralaryna 160 myŋǧa juyq jas qamtyldy

Üşınşı megapoliste 2022 jyly 160 myŋǧa juyq jas tūrǧyn türlı äleumettık baǧyttar boiynşa ūiymdastyrylǧan ıs-şaralarǧa qatysqan. Al qalalyq Jastar resurstyq ortalyǧy 32 myŋǧa juyq jasqa qyzmet körsettı. Jastar resurstyq ortalyǧy janynan mobildı top qūrylyp, «Jastardan jastarǧa – aqparattyq keruen» jobasy ūiymdastyryldy. Onyŋ aiasynda şalǧai eldı mekenderdegı 15 myŋnan astam jasqa jūmysqa ornalasu, üi kezegıne tūru, tehnikalyq bılım alu jäne taǧy basqa äleumettık kömekter ūsynylyp, bos jūmys oryndary järmeŋkesı ötkızıldı. Nätijesınde bügınde joba aiasynda 16 735 jastar memlekettık baǧdarlamaǧa jūmyldyryldy. Atap aitqanda 9 myŋǧa juyq jasqa türlı baǧyttar boiynşa jūmysqa joldama berılse, onyŋ ışınde 4739 jas tūraqty jūmysqa ornalasqan, al 7 myŋǧa juyq jas onlain oqudan ötken. Onyŋ ışınde 455 jas käsıpker qaitarymsyz memlekettık grantqa qol jetkızıp otyr. Sonymen qatar, Şymkent qalasy aumaǧyndaǧy 9 ırı bazardyŋ janynan «Jastar ūiymdary» aşylyp, jastarmen jūmys jürgızude. «Şymkent qalasyndaǧy NEET sanatyndaǧy jastar turaly» tūjyrymdama bekıtılgen. Oǧan säikes jūmyssyz jürgen jastar tızımı jasaqtalyp, oquǧa tüsu jäne jūmysqa ornalasu boiynşa aqparattyq tüsındıru jūmystary jürgızılude. Josparǧa säikes jyl basynan berı «Mümkındıkter alaŋy» atty bos jūmys oryndary järmeŋkesı 37 ret ūiymdastyrylyp, oǧan 5000 jas qamtyldy. Sonymen qatar, «Jasyl el» eŋbek jasaqtary jobasy aiasynda 1313 jas şılde-qyrküiek ailary aralyǧynda jūmyspen qamtyldy. Eŋbek jasaqtary 200 tonnadan astam qoqys jinalyp, jalpy 70 gektarǧa juyq gülzardyŋ kütımımen ainalysty. Aita keteiık, Şymkentte 14-29 aralyǧyndaǧy 245 178 jas bar. Olar jalpy qala halqynyŋ 21,7 paiyzyn qūraidy.