Kielı şahardaǧy tötenşe jaǧdai (jasöspırımder älımjettıgı) DABYL QAǦATYNDAI JAǦDAIǦA JETTI! Osydan keiın äkım qaralar men pogon taqqandar qalai tynyş jatady eken?! Eldıŋ aldyna şyǧyp halyqtan keşırım sūramai ma? Jasöspırımderdıŋ tärtıbın qadaǧalai almai, betımen jıberıp alǧandyǧyn aşyq moiyndamai ma? Būl mäselenıŋ qalada būrynnan uşyǧyp tūrǧandyǧyn, tek kreslolarynan airylyp qalmasy üşın mūndai oqiǧalardy barynşa jasyryp, respublikaǧa tarap ketuden saqtanǧandaryn naqty aitpai ma?
QALAI DESEK TE, BŪǦAN EŊ BIRINŞI QALA ÄKIMI TIKELEI JAUAP BERUI TİIS!
Öitkenı bılım bölımı men mektep basşylarynyŋ bärın äkımdık taǧaiyndaidy. Prokuraturamen de, polisiiamen de äkımdık bırlesıp jūmys jasaidy. Demek, şahardaǧy bolyp jatqan barlyq jaǧdailardyŋ jauapkerşılıgı eŋ bırınşı - qala äkımınıŋ moinynda! Būl jerde äkımdı aqtaudyŋ eş qajetı joq! Öitkenı oǧan Elbasy da, oblys basşysy da osy qyzmettı senıp tapsyrdy. Endı nege ol osy senımdı aqtamaidy?!
OL ÖZINIŊ OTYRǦAN ORNY MEN QYZMETI HALYQTYŊ ARQASYNDA EKENIN ŪMYTPAUY KEREK! Sondyqtan Öserbaev mūndai jaǧdaida ündemei otyra bermei, halyqtyŋ ısımen, jastardyŋ mäselesımen tıkelei ainalysuy tiıs! Kerek bolsa, prokuror men polisiiany qasyna ertıp alyp, kündız-tünı qalany aralauy qajet!
QARAPAIYM SŪRAQ: Osy üş şeneunık bırlesıp, ömırlerınde bır ret bolsa da mektepterge baryp, jasöspırımdermen erkın formatta kezdesıp pe eken? Mūrty tebındep qalǧan bozbalalarmen äŋgımelesıp, sūraq-jauap almasyp, "qalada qylmys bolsa, bırden bızge habarlaŋdar!" dep, jeke telefondaryn berıp pe eken?! Äi, qaidam?! Olai bolǧanda, äkımdıktıŋ şabarmandary "jerden jetı qoian tapqandai" jarysa jariialar edı ǧoi.
Jasöspırımder qanşa qatıgezdık jasasa da jazalanbaityndyǧyn bılıp, būlai tym erkınsıp ketuı - qala bilıgınıŋ basynda otyrǧan şeneunıkterdıŋ baqylaudy qoldan jıberıp alǧandyǧyn anyq körsetedı. Endeşe būlardyŋ halyqtan keşırım sūraityn jönı bar ma?.. ENDI ONY OLARDYŊ ÖZINIŊ ŪIаTYNA QALDYRDYQ...
Eske sala keteiık, osydan bıraz būryn Saryaǧaşta kışkentai bala zorlanǧanda, ol sot arqyly däleldengende, oblys äkımı Tüimebaev bırqatar şeneunıktı qyzmetınen bosatyp, keibıreuıne qataŋ sögıs jasaǧan edı. Endı ol Türkıstandaǧy myna jaǧdaidan keiın ne ısteidı eken? Älde "būl videolardy Elbasy körıp, pıkır bıldırgen joq qoi" dep, ün-tünsız otyra bere me? TÜIMEBAEV MYRZA, TÜIMEDEI BOLSA DA HALYQQA JANYŊYZ AŞYSA, MYNA JAǦDAIǦA ÖZ BAǦAŊYZDY BERIŊIZ! Ünsız otyrsam, halyq mūny ūmytyp ketedı dep oilaudyŋ qajetı joq! Jasöspırımder qylmysy odan saiyn örşıp ketpei tūrǧanda, mäselenı halyqqa aşyq ärı jariialy türde jetkızıŋız! Onsyz da qala bilıgı jasyryp-jasyryp, aqyry vulkanşa jarylyp ketken myna jaǧdaidy endı sızdıŋ bürkemelegenıŋız jön emes....
Serık Jūmabaev
"Adyrna" ūlttyq portaly
