Mádenıet jáne sport mınıstrliginiń alqa otyrysynda tanymal qazaqstandyq aýyr atlet Ilıa Ilın federaııanyń qazirgi jumysyna alańdaıtynyn bildirdi jáne Aýyr atletıka federaııasynyń basshysy bolýǵa daıyn ekenin aıtty, dep habarlaıdy “Adyrna” ulttyq portaly.
"Men bul jerde eki jyl kásibı sportshy emes, sport menedjeri retinde jumys istedim. Eki jyl boıy men qarym-qatynas ornatyp, komandada keıbir máseleni sheship kelemin. Bir jyldan beri biz túsiniksiz jaǵdaıda júrmiz, Aýyr atletıka federaııasynyń prezıdentin taba almaı júrmiz. Bir jarym jyl buryn menedjer retinde jumysqa turǵanda jattyqtyrýshylarmen sóılestim, aýqymdy problemalar boldy, máseleni sheshýge tyrystym. Bir jigit asylyp qaldy... Bizge psıhologtar keregin aıttym. Biz komanda qurýǵa mindettimiz, óıtkeni qıyndyqtar bar. Keıin biz ekige, sodan keıin úsh bólikke bólindik. Óńirlerge baryp, bapkerlermen jeti saǵat sóılesip, sportqa qol silteı salmaýyn túsindirýge týra keldi", - dedi Ilın.
Sondaı-aq, ol aýyr atletıka eldegi eń "medaldi" sport túrleriniń biri ekenin aıtya, ony saqtaýǵa shaqyrdy.
"Men qazir áriptesterime, basshylyqqa, Altaı Kólginovke (vıe-premer - esk.) jáne Ashat Oralovqa (mádenıet jáne sport mınıstri) júginip otyrmyn, sheshim qabyldańyz, ótinemin. Men jetildim, federaııany óz komandammen birge alýǵa daıynmyn. Iá, mende mıllıon adam joq, men baı emespin, biraq men bul sporttyń qyr-syryn bilemin. Qoldaýyńyzdy suraımyn, tapsyrmalar qoıyńyz. Olımpıada chempıonyn tańdaıyq", - dedi Ilıa Ilın.
Mádenıet jáne sport mınıstri Ashat Oralov jaýap retinde bul máseleni Ilınmen bólek talqylaýǵa daıyn ekenin aıtty.
