Óńirlerde 2-3 myń adam syıatyn sport ǵımarattary qajet! - Abaı Alpamysov

18877
Adyrna.kz Telegram

"Zaldardyń kóp bóligi basketbol jarystaryn ótkizýge qoıylatyn talaptarǵa sáıkes kelmeıdi. Óńirlerde syıymdylyǵy 2-3 myń adamǵa deıin oıyn sport túrlerine mamandandyrylǵan sport ǵımarattary qajet". Bul pikirdi QR Ulttyq basketbol Federaııasynyń Prezıdenti Abaı Alpamysov málimdedi, dep jazady "Adyrna" ulttyq portaly. 

 

"25 qańtarda Mádenıet jáne sport mınıstrliginiń sportty damytý máselelerine arnalǵan keńeıtilgen alqasy ótti. Alqa áńgimelesý rejıminde ótti (monolog emes), birqatar josparlanǵan baıandamalar boldy, sonymen qatar hattamadan tys kóptegen bastamashyl baıandamalar boldy. Oń nátıje, biz, elimizdegi sportty damytýǵa jumyldyrylǵan barlyq taraptar kezdesip, sportty damytýdyń ózekti máseleleri talqylandy. Mınıstrliktiń jáne sport qaýymdastyǵynyń basqa da ókilderiniń ustanymyn estidik. Men birneshe óz pikirlerimdi aıtqym keledi. Mınıstrlik balalardy salaýatty ómir saltyna barynsha tartý úshin buqaralyq sport túrlerine kóp kóńil bóledi. Bul jerde basketbol eń buqaralyq tanymal sport túrleriniń biri bolyp qala beretinin aıtý kerek. Mınıstrliktiń málimetinshe, 5h5 basketbol aıasynda 2022 jyly 500 000-nan astam adam qamtylǵan. 2022 jyly Federaııanyń qoldaýymen klassıkalyq basketboldan ótkizilgen oıyndardyń sany 2000-ǵa jýyq boldy. Bul jaman kórsetkish emes, biraq biz osymen toqtamaımyz, bizde balalarǵa, jas sportshylarǵa arnalǵan qyzyqty jańa jobalar bar! Infraqurylym. Mınıstrlik ınfraqurylymdy damytýǵa kóp kóńil bóletin bolady. Jankúıerler oıynǵa baryp, basketboldyń tanymaldylyǵy artyp keledi, biraq biz árqashan basketbol áýesqoılaryna neǵurlym jaqsy jaǵdaılardy usyna almaımyz. Zaldardyń kóp bóligi basketbol jarystaryn ótkizýge qoıylatyn talaptarǵa sáıkes kelmeıdi, keıbireýlerinde syıymdylyq barlyq yqtımal kórermenderdi qabyldaýǵa múmkindik bermeıdi. Meniń oıymsha, óńirlerde syıymdylyǵy 2-3 myń adamǵa deıin oıyn sport túrlerine mamandandyrylǵan sport ǵımarattary qajet. Mundaı zaldardyń bolýy oıyndy odan ári nasıhattaýǵa qyzmet etedi, al bıletterdi satý arqyly demeýshilerge, sonyń ishinde bıýdjetke túsetin júktemeni azaıtady", - deıdi Abaı Alpamysov. 

"Adyrna" ulttyq portaly 

Pikirler