Basqynshylyqtan keıin Pýtındi eshkim dep sanamaıtyn boldym — Vladımır Zelenskıı

2386
Adyrna.kz Telegram

Ýkraına prezıdenti Vladımır Zelenskıı Pýtınmen kezdesip, eki el arasyndaǵy janjaldy sheshý úshin kelissózder júrgizýge nıetti emes ekenin málimdedi. Aıtýynsha, Reseı áskerleri Ýkraınadan shyǵarylǵan jaǵdaıda ǵana beıbit kelisimge kelý múmkin bolady, dep habarlaıdy «Adyrna» tilshisi.

Jýrnalıster basshyǵa «Reseı prezıdentimen kezdesý Ýkraınadaǵy soǵysty toqtatýǵa kómektese me?» degen suraq qoıdy.

«Maǵan bul qyzyq emes. Kezdesýge, sóılesýge qyzyqpaımyn. Shynymen, Reseıde kim sheshim qabyldaıtynyn túsinbeımin. Men sózi men isi bólek adamdy kórdim. Basqynshylyqtan keıin ony eshkim dep sanamaıtyn boldym»,— dedi ol Sky News arnasyna bergen suhbatynda.

Pikirler