Bügın «AMANAT»-tyŋ Atqaruşy hatşysy Elnūr Beisenbaev partiianyŋ Respublikalyq qoǧamdyq qabyldau bölmesınıŋ jūmysymen tanysty. Ol ıs-şara barysynda BAQ ökılderınıŋ sūraqtaryna jauap berdı.
Atqaruşy hatşy qazırgı taŋda partiia öz sailaualdy baǧdarlamasyn äzırlep jatqanyn jetkızdı.
«Būl jūmysqa Mäjılıstıŋ eks-deputattary, partiia janynan qūrylǧan keŋesterdıŋ müşelerı, bılıktı saiasattanuşylar, ekonomister tartyldy. Al sailaualdy baǧdarlamaǧa ūsynystar halyqtan tıkelei jinalady. Partiianyŋ Jarǧysyna säikes, baǧdarlamalyq qūjattardy qabyldau Sezdıŋ qūzyrynda. Jer-jerdegı partiialastardyŋ talqylauynan jäne sarapşylardyŋ taldauynan ötken sailaualdy baǧdarlama aldaǧy Sezde qabyldanady», - dedı E.Beisenbaev.Öz kezegınde, Respublikalyq qoǧamdyq qabyldau bölmesınıŋ meŋgeruşısı Äliia Sadyrbaevanyŋ aituynşa, Sailau turaly zaŋǧa säikes, partiianyŋ qoǧamdyq qabyldaulary halyqqa kömek beru, keŋes beru jūmysyn toqtatty. Būl kezeŋde partiia azamattardan tek ūsynys-tılekter jinap, saraptaumen ainalysady.
«Azamattardyŋ talap-tılekterı qoǧamdyq qabyldaulardan bölek Call-ortalyqtar, partiianyŋ saity men elektrondy poştasy, egov.kz elektrondy ükımet portaly, sondai-aq, WhatsApp messenjerı arqyly qabyldanady. Soŋǧy jetı-segız künde bızdıŋ qoǧamdyq qabyldaularǧa 500-ge tarta ūsynys-tılek kelıp tüstı. Olar partiianyŋ sailaualdy baǧdarlamasyn äzırleu kezınde eskerıledı», - dedı Ä.Sadyrbaeva.Sonymen qatar, Elnūr Beisenbaev Mäjılıs sailauyna ūsynylatyn partiialyq tızım qandai prinsipter boiynşa jasaqtalatynyn atap öttı. Onyŋ aituynşa, ümıtkerlerdı taŋdaudaǧy basty prinsip: aşyqtyq, ädıldık jäne jaŋaru.
«Bükıl prosess aşyq ötedı. Bız barlyq ūsynysqa aşyqpyz, ırıkteu prosnsı ädıl ötedı. Eŋ belsendı, bılımdı, bılıktı azamattar osy tızımge enuı kerek. Oǧan qosa, är türlı jas ökılderı, jastar, äielder, türlı mamandyq ielerı boluy tiıs. Ökılettılık degenımız osy. Būǧan qosa, partiia tızımderınde jaŋa esımder köp bolady», - dedı Atqaruşy hatşy.Bügınde jer-jerde sailau ştabtary qūrylyp, partiia belsendılerı men erıktılerı aldaǧy ügıt jūmysyna qyzu daiyndyqty bastap kettı.
«Bız aşyq ta tartysty bäsekege daiynbyz. Baǧytymyz – Ädılettı Qazaqstan, maqsatymyz – memlekettıŋ tūtastyǧy, Täuelsızdıktıŋ baiandy boluy», - dep tüiındedı E.Beisenbaev.Aita keteiık, elımızdıŋ barlyq öŋırınde «AMANAT»-tyŋ 243 qoǧamdyq qabyldau ortalyǧy jūmys ısteidı. Byltyr būl ortalyqtarǧa 134 myŋ adam mūŋ-mūqtajyn, aryz-şaǧymyn aityp kelgen. Olardyŋ 90%-ynyŋ mäselesı oŋ şeşılse, qalǧan 10%-nyŋ aryz-şaǧymy qaralyp jatyr. Būdan özge, byltyr 984 auyldyq eldı mekende 744 köşpelı qoǧamdyq qabyldau ūiymdastyrylyp, 7,4 myŋ ötınım kelıp tüstı. Olardyŋ üşten bırı dereu şeşılse, 60%-y boiynşa mäselenı zaŋ aiasynda şeşu joldary tüsındırıldı, al qalǧan 9%-y qazırgı taŋda oryndalu üstınde.
Ūqsas jaŋalyqtar
